ILANG MINUTO ang lumipas nang iluwa na ng pintuan si kuya Joaquinn.
Napatigil ako sa ginagawa ko.
Parang biglang lumiwanag ang buong dining area nang lumabas siya. Naka-pang-opisina na — fitted na baston slacks, puting long-sleeve polo, at necktie na nakalaylay pa sa leeg niya, hindi pa naaayos. Mukhang kakaligo lang dahil may mga patak pa ng tubig sa buhok niya, at amoy na amoy ko pa ang halimuyak ng kanyang cologne.
Hmn… ang bango.
Hindi ‘yong tipong matapang na amoy, kundi ‘yong malinis, masculine scent na parang bagong plantsa na barong, halong sabon at aftershave. Ang bango niya talaga — ‘yong tipong kahit dumaan lang sa harap mo ay mapapahinto ka.
Napatingin siya sa akin, bahagyang kumunot ang noo.
“Ano ‘yan?” tanong niya nang mapansin kung ano ang binubutingting ko sa mesa.
N
