សំណងស្នេហ៍

វគ្គ:សំណងស្នេហ៍ ៧+៨

#សំណងស្នេហ៍

#វគ្គសំណងស្នេហ៍

ភាគ:៧+៨

សាលវ៉ាលតូ ត្រូវបានប៉ារបស់គេបង្វឹកហាត់បានល្អណាស់ មុននឹងអោយគេប្រម៉ាញ់ចំណីរបស់គេ ។ មុននឹងគេសម្រេចចិត្តថាមានរឿងនឹងគ្រួសារចៅហ្វាយក្រុង គេបានសើបរួចរាល់អស់ហើយ ទាំងប្រពន្ធ ទាំងកូន រួមទាំងចៅហ្វាយក្រុងដូចគ្នា ដំបូងគេមិនប្រាកដទេថាចៅហ្វាយក្រុងជាមនុស្សល្អ តែពេលគេបានជួបចៅហ្វាយក្រុងហើយ គំនិតគេបានផ្លាស់ប្តូរអស់ ហើយអ្វីដែលគេសង្ឃឹមចំពោះចៅហ្វាយក្រុងពេលនេះ គឺគាត់នឹងចូលនិវត្តន៍ ហើយចាយលុយដែលអតីតប្រពន្ធរបស់គាត់មិនបានទទួលនោះនៅក្នុងជីវិតចុងក្រោយរបស់គាត់ ។

បើរៀបរាប់ពីគ្រួសាររបស់ សាលវ៉ាលតូ ដែល ជេគ ថា មានជាប់សាច់ឈាមនឹងម៉ាហ្វៀនោះគឺមិនខុសទេ ។ ដើមឡើយគ្រួសាររបស់គេមានច្បាប់ អាចយកកូនបានតែម្នាក់ប៉ុណ្ណោះ គឺកូនប្រុស បើសិនជាដឹងថាមានកូនស្រីគឺត្រូវតែយកចេញ ដូច្នេះមានន័យថា លោកតាទួន លោកលួត...របស់គេ គឺគ្មានបងប្អូនទេ ប៉ុន្តែពេលមកដល់លោកតា តូមេអូ គឺម្តាយគាត់បង្កើតបានកូនភ្លោះប្រុស2នាក់ ម្នាក់គឺលោកតា តូមេអូ ហើយម្នាក់ទៀត ដេមេអូ ។ លោកតា តូមេអូ ជាកូនច្បង ដូច្នេះគាត់មានភារកិច្ចគ្រប់គ្រងមរតក ឯលោកតា ដេមេអូ គាត់មានជំនួញផ្ទាល់ខ្លួនជាច្រើន ហើយបង្កើតបក្សពួកក្លាយជាម៉ាហ្វៀដ៏ល្បីមួយក្នុងប្រទេសអ៊ីតាលី ។ ទំនាក់ទំនងគ្រួសារទាំង2បានរាងឃ្លាតគ្នានៅពេលដែលលោកតា តូមេអូ បានស្លាប់ដោយទុកអោយលោកតា ដេមេអូ នៅម្នាក់ឯងមកដល់សព្វថ្ងៃនេះ ទោះការងារបងប្អូនរបស់គ្រួសារ តូមេអូ រវល់យ៉ាងណាក៏ដោយ ប៉ុន្តែពួកគេក៏ឆ្លៀតទៅលេងលោកតា ដេមេអូ ដែលដេកឈឺនៅលើគ្រេពេទ្យព្រោះតែជំងឺរបស់មនុស្សចាស់ ។ បើនិយាយពីគ្រួសាររបស់ត្រកូលម៉ាហ្វៀ ដេមេអូ វិញ គាត់មានកូនប្រុសម្នាក់ ហើយកូនប្រុសគាត់បង្កើតបានតែចៅម្នាក់ប៉ុណ្ណោះអោយគាត់ឈ្មោះ ឡរ៉េនសូ ដេមេអូ គេកើតក្រោយ សាលវ៉ាលតូ មួយខែ ។ ក្រោយពេលដែល ឡរ៉េនសូ កាន់កាប់ជំនួញជំនួសរបស់ប៉ាគេ រួមមានទាំងម៉ាហ្វៀទៀតនោះ គេបានផ្លាស់ប្តូរទៅនៅអាល្លឺម៉ង់តែម្នាក់ឯង តែកូនចៅគេនៅពាសពេញប្រទេសក្នុងតំបន់ទ្វីបអឺរ៉ុប ជាពិសេសពួកគេតែងតែលិចវត្តមានពេលឃើញសាច់ឈាមគ្រួសាររបស់ តូមេអូ ហើយភារកិច្ចពួកគេក៏ត្រូវការពារគ្រួសារ តូមេអូ ដូចគ្នា ។

សាលវ៉ាលតូ ដែលអង្គុយធ្វើការសុខៗក៏មានអារម្មណ៍ថាញាក់ភ្នែកខាងស្តាំ ជាធម្មតាពេលគេញាក់ភ្នែកស្តាំតែងតែមានអ្វីប្លែកនឹងលិចចេញពីមុខគេមក វាមិនមែនជាអាភីនិហាទេ វាគ្រាន់តែជារឿងដែល សាលវ៉ាលតូ គិតមិនដល់ប៉ុណ្ណោះ

" ចៅហ្វាយ អ្នកប្រុស ឡរ៉េនសូ ចង់ជួប "

និយាយដើមដង្ហើមដល់ សាលវ៉ាលតូ គេបានគិតដូចគ្នាថាខានជួប ឡរ៉េនសូ យូរណាស់ហើយតាំង ឡរ៉េនសូ ផ្លាស់ទៅនៅអាល្លឺម៉ង់មកម្លេស

" អោយគេចូលមក "

" បាទ "

អាឡិចសុីអូ ក៏ដើរចេញវិញ ហើយមិនបានប៉ុន្មានវិនាទីផង ឡរ៉េនសូ ក៏ដើរមកជាមួយនឹងស្នាមញញឹម ។ ឡរ៉េនសូ ទោះអាយុប្អូន សាលវ៉ាលតូ មួយខែមែន តែក៏មិនខុសពីមិត្តភក្តិ គ្រាន់តែ ឡរ៉េនសូ ជាកូនទោលដូច្នេះចរឹកគេលេងច្រើនដូចជា ដូមេនីកូ ចឹង

" នឹកខ្ញុំទេបងប្រុស? "

គេមកដល់ក៏ដាក់គូទអង្គុយលើកៅអីដោយមិនបាច់អោយ សាលវ៉ាលតូ អញ្ជើញ

" ធម្មតា "

" ធម្មតាអី មើលតែកែវភ្នែកទៅក៏ដឹងថានឹកខ្ញុំដែរ "

" ឯងមករកបងមានការអី? "

" ខ្ញុំបានលឺដំណឹងថាបងបានលូកដៃចូលទៅក្នុងរឿងគ្រួសាររបស់ចៅហ្វាយក្រុង បងមិនគិតថាខ្លាចទេហី? "

" អត់ទេ បងគ្រាន់តែយកការពិតទៅបង្ហាញគាត់ លោកចៅហ្វាយក្រុងគាត់ជាមនុស្សល្អណាស់ អំពើរពុករលួយកន្លងមកសុទ្ធតែអតីតប្រពន្ធគាត់ជាអ្នកធ្វើ ដូច្នេះគ្មានអីត្រូវខ្លាចទេ "

" អ្នកស្រី អាយរីស នោះជាមនុស្សចងគុំនំណាស់ "

" មិចក៏ឯងដឹង? "

" កូនចៅខ្ញុំប្រាប់ មើលទៅគាត់មិនលែងបងដោយងាយទេ មិនអីទេ ខ្ញុំនឹងអោយកូនចៅខ្ញុំពីប្រទេសបារាំងមកការពារបងខ្លះ "

" ពិតមែនហី? តែបងមានរឿងពឹងឯង "

" និយាយមក បើខ្ញុំអាចជួយបាន "

" បងចង់អោយកូនចៅរបស់ឯងតាមការពារក្មេងស្រីម្នាក់នេះ "

គេក៏ហុចរូប លីណា អោយទៅ ឡរ៉េនសូ មើល

" មិត្តស្រីបងមែនទេ? គួរអោយស្រឡាញ់ណាស់ "

" លុបសម្តីឯងអំបាញ់មិញចេញពីខួរក្បាលទៅ "

" ចឹងមានន័យថាមិនមែនទេ តែហេតុអីក៏បងចង់អោយខ្ញុំការពារនាង? មានរឿងអីសំខាន់មែនទេ? "

" នាងឈ្មោះ លីណា ស្ទេផាន ពេលនេះនាងអាចជាមុខសញ្ញារបស់ អេឡា ព្រោះក្មេងស្រីឈ្មោះ អេឡា នោះគឺសាហាវខ្លាំងណាស់ បើនាងចង់សងសឹក នាងច្បាស់គេមករក លីណា មុនគេហើយ "

" មិនអីទេ រឿងតិចតូចសោះ "

" ត្រូវប្រាកដថានាងនឹងគ្មានរបួស "

" ចាំបាច់តឹងតែងម្លេស? "

" នាងជាប្អូនរបស់បុគ្គលិកយើង "

" រឿងនេះមើលទៅបងមិនបាច់ខ្វល់ក៏បាន "

" បិទមាត់ឯងទៅ និយាយច្រើនពេកហើយ យើងមិនយល់ទេថាសម្តីដូចជាឯងកាន់កាប់ម៉ាហ្វៀបាន "

" បងនិយាយលេងសើចមិនគួរអោយសើចសោះ "

សាលវ៉ាលតូ គេដឹងហើយថាចរឹក ឡរ៉េនសូ បែបមិច ទោះគេនិយាយថាមើលទៅ ឡរ៉េនសូ រាងលេងច្រើនដូចក្មេង តែ សាលវ៉ាលតូ ដឹងថា ឡរ៉េនសូ ជាមនុស្សម៉ត់ចត់ណាស់ចំពោះការងារ នេះនៅចំពោះមុខរបស់បងគេទើបគេបង្ហាញចរឹកក្មេងមក តែនៅមុខកូនចៅរបស់គេ គេប្រៀបដូចជាខ្លាមិនខុសពីខ្លាទាំង3 ចេញពីត្រកូល តូមេអូ ។ ឡរ៉េនសូ ជាមនុស្សពូកែ ធ្លាប់ហាត់គុណដាវ តៃក្វាន់ដូ ដំបង2កំណាត់...អាចនិយាយបានថាគេមានដុងម៉ាហ្វៀតាំងតាមតារបស់គេតែម្តង

" អស់កិច្ចការនិយាយជាមួយបងហើយមែនទេ? "

" ខ្ញុំមានការងារនៅអាមេរិកនេះ តែលឺដំណឹងថាបងមកធ្វើការជំនួសប៉ាបង ទើបចង់មកលេង តែចៃដន្យក៏ដឹងថាបងលូកដៃចូលរឿងគ្រួសារអ្នកមានអំណាច ក៏ខ្លាចបងគ្រោះថ្នាក់ទៅ "

" បងក៏បានដឹងដូចគ្នាថាលោកតា ដេមេអូ បានបញ្ជារអោយកូនចៅឯងតាមបង "

" អួយ មិចក៏បងដឹង? "

" ព្រោះតែបងមិនល្ងង់ "

បើគិតទៅក្រុមម៉ាហ្វៀរបស់គ្រួសារ ឡរ៉េនសូ ច្រើនណាស់ ដូច្នេះពួកគេច្បាស់ជាមានអ្វីសម្គាល់ហើយ ។ កាលនៅតូច សាលវ៉ាលតូ បានសង្កេតឃើញនៅលើករបស់ ដេមេអូ សាក់រូបឆ្មា ហើយគ្រប់កូនចៅរបស់គាត់ក៏មានដូចគ្នា តែគេមិនយល់ទេ ហេតុអីក៏ត្រូវសាក់រូបឆ្មា?

" បងឃើញអានេះមែនទេ? សូម្បីខ្ញុំក៏មានដែរ មានដល់ទៅ2ហ៎ "

ឡរ៉េនសូ បង្ហាញសាក់រូបឆ្មាអោយទៅ សាលវ៉ាលតូ ឃើញ

" ត្រូវហើយ ហេតុអីក៏សាក់ត្រូវដាក់រូបឆ្មា? ខ្លាវាកំណាចជាងឆ្មា ហេតុអីមិនសាក់? "

" លោកតា ដេមេអូ ធ្លាប់ប្រាប់ខ្ញុំថា សត្វឆ្មាជាសត្វគួរអោយស្រឡាញ់ ដូច្នេះគាត់ចង់ធ្វើវាតំណាងក្រុម "

ឡរ៉េនសូ តបទាំងសើចស្ងេញ តែ សាលវ៉ាលតូ អស់សំណើចក្នុងចិត្តព្រោះម៉ាហ្វៀចេញពីគ្រួសារ ដេមេអូ មានចរឹកដូចក្មេងតាំងពីលោកតា ដេមេអូ មក ។

" មិនអីទេ វាក៏ល្អ មើលទៅគួរអោយស្រឡាញ់ "

" ថាមិច? គួរអោយស្រឡាញ់ហ្អេស៎? បងមិនដែលនិយាយបែបហ្នឹងទេ? បងមានស្នេហាមែនទេ? អ្នកណាគេ? ណែនាំប្រាប់ខ្ញុំផង "

ឡរ៉េនសូ ចាប់ផ្តើមភ្ញាក់ផ្អើល ព្រោះចរឹករបស់ សាលវ៉ាលតូ អ្នកណាក៏ដឹងថាមុឺងម៉ាត់ប៉ុណ្ណា គេមិនចេះនិយាយលេងសើចដោយងាយៗទេ លុះត្រាតែមានអីមកផ្លាស់ប្តូរគេ

" គ្មានទេ "

" ប៉ាបងបង្ខំបងអោយយកប្រពន្ធមករាប់ឆ្នាំហើយ រឿងនេះមិនត្រឹមល្បីក្នុងគ្រួសារទេ សូម្បីតែអ្នករស់នៅក្នុងទីក្រុង ណាបែល និងសមាជិកម៉ាហ្វៀខ្ញុំទាំងអស់ក៏បានដឹង ហើយកាលទើបបងយកប្រពន្ធ? "

" ហើយកាលបានឯងយកប្រពន្ធដែរ? "

" រឿងនេះប៉ាខ្ញុំមិនបានបង្ខំទេ យកពេលណាក៏ជាសិទ្ធរបស់ខ្ញុំ តែប៉ាបងបង្ខំបងតាំងពី10ឆ្នាំមុន មើលមុខបងទៅ ដូចចង់កើតវិបត្តិផ្លូវចិត្តហើយ "

" ឈប់និយាយហើយត្រឡប់ទៅវិញទៅ "

" បងដឹងហើយថាខ្ញុំមុខក្រាស់ណាស់ "

ឡរ៉េនសូ ញាក់ចិញ្ចើមដាក់ សាលវ៉ាលតូ ព្រោះ សាលវ៉ាលតូ ដឹងហើយថា ឡរ៉េនសូ ជាមនុស្សមុខក្រាស់ អោយធ្វើអ្វីមិនងាយធ្វើទេបើសិនជាគេមិនចង់ កាន់តែដេញគេកាន់តែចង់នៅ កាន់តែបង្ខំគេកាន់តែលែងធ្វើ

" ចៅហ្វាយ វ៉លឡេស ចង់ជួប "

អាឡិចសុីអូក៏ដើរចូលមក

" កូនចៅបងឧស្សាហ៍ម្លេស ទូរស័ព្ទមានមិចក៏មិនខលមក? "

" អោយគេចូលមក "

" បាទ "

" មិនដឹងទេ ព្រោះនេះជាអ្វីដែល អាឡិចសុីអូ ចង់ធ្វើ "

" ខ្ញុំមកនេះគឺចង់អោយសំបុត្រលាឈប់ "

" លាឈប់? "

សាលវ៉ាលតូ គេស្តាប់មិនច្រលំទេមែនទេថា វ៉លឡេស ចង់លាឈប់?

" បាទ ខ្ញុំត្រូវផ្លាស់ប្តូរកន្លែងរស់នៅហើយ ដូច្នេះខ្ញុំចង់លាឈប់ "

" លោកផ្លាស់ទៅនៅឯណា? "

សំណួរ សាលវ៉ាលតូ ធ្វើអោយ ឡរ៉េនសូ ឆ្ងល់ ព្រោះហេតុអីចាំបាច់មើលទៅបារម្ភម្លេស?

" គឺទៅអាល្លឺម៉ង់ "

ចម្លើយរបស់ វ៉លឡេស ក៏ធ្វើអោយ សាលវ៉ាលតូ ភ្ញាក់ផ្អើល ក្នុងអារម្មណ៍គេពេលនេះមានអារម្មណ៍ថាមិនសប្បាយចិត្តសោះ

" ចុះ លីណា ? "

" លីណា នាងត្រូវរៀននៅសកលវិទ្យាល័យ ដូច្នេះនាងត្រូវនៅទីនេះ "

" ហឹម "

សាលវ៉ាលតូ ងក់ក្បាលដោយស្នាមញញឹមតិចៗ

" តែ លីណា នាងនៅតែម្នាក់ឯងទេ បើលោកមិនយល់ទាស់ទេ ជួយមើលថែរនាងជំនួសនាងផង ខ្ញុំដឹងថា លីណា នាងធំហើយ តែយ៉ាងណាខ្ញុំក៏មិនទុកចិត្តដូចគ្នាថានាងនឹងគ្មានរឿងអ្វីកើតឡើង "

" ចុះគ្រួសារលោក? "

" ប៉ាម៉ាក់របស់យើងបានស្លាប់អស់ហើយកាលពី17ឆ្នាំមុនម្លេស ដោយជួបឧបទ្ទវហេតុ "

" ម៉ាក់បងក៏ស្លាប់កាលពី17ឆ្នាំមុនដែរ "

ឡរ៉េនសូ និយាយចេញមក តែក៏ត្រូវ សាលវ៉ាលតូ សម្លក់

" តែ លីណា ថានាងបងប្អូន3នាក់ "

" ត្រូវហើយ តែប្អូនប្រុសរបស់ពួកយើងបានស្លាប់ក្នុងឧបទ្ទវហេតុនោះហើយ "

" មិនអីទេ ចាំខ្ញុំជួយមើលថែរនាងអោយ "

" បាទ អរគុណលោកច្រើនហើយ "

វ៉លឡេស ក៏ដើរចេញទៅវិញ

" មើលមុខបងដូចមិនសប្បាយចិត្ត យប់ហ្នឹងផឹកអត់? "

" ក៏បាន "

ឡរ៉េនសូ ញញឹមស្រស់ដាក់ សាលវ៉ាលតូ ព្រោះ សាលវ៉ាលតូ ជាដៃគូរដល់ល្អក្នុងការជល់កែវជាមួយនឹងគេ តែគួរអោយស្តាយដែរ ដែលកន្លងមកនេះគេទៅរស់នៅអាល្លឺម៉ង់គ្មានអ្នកណាកំដរ បើនិយាយពីកាលគេនៅអ៊ីតាលី ក្នុងមួយអាទិត្យយ៉ាងណាក៏ចៅប្រុសក្នុងត្រកូល តូមេអូ និង ដេមេអូ ជុំគ្នាម្តងដែរដើម្បីផឹក គ្រាន់តែ វីនឆេនសូ គេមនុស្សមិនពូកែផឹកស្រា ដាក់ស្រាចូលខ្លួនម្តងណាក៏សន្លប់មុនគេដែរ ។

ក្រោយពីដឹងដំណឹងថា វ៉លឡេស បានចាកចេញពីអាមេរិកទៅបាត់ សាលវ៉ាតូ ក៏ប្រើមនុស្សរបស់ ឡរ៉េនសូ ជួយមើល លីណា ដូចគ្នា មិនថានាងទៅសាលា ទៅផ្សារ ដើរជាមួយមិត្តភក្តិ ក៏ត្រូវរាយការណ៍មកប្រាប់គេគ្រប់ជំហាន ។ បើនិយាយពី ឡរ៉េនសូ គេមកអាមេរិកនេះគឺដើម្បីជួបក្រុមម៉ាហ្វៀមួយក្នុងការសហការណ៍គ្នាបញ្ឍប់ជម្លោះ ហើយស្វែងរកសន្តិភាព ប៉ុន្តែអ្វីដែលគេឈឺចាប់ចំពោះបងជីដូនមួយគេខ្លាំងបំផុត គឺ សាលវ៉ាលតូ តែងតែដេញគេទៅ អាល្លឺម៉ង់ វិញ ព្រោះតែ ឡរ៉េនសូ ពូកែរំខាន សាលវ៉ាលតូ ធ្វើការណាស់ តែ ឡរ៉េនសូ ជាមនុស្សមុខក្រាស់ ក្បាលរឹង កាន់តែដេញគេកាន់តែចង់នៅ គេមិនត្រឹមតែមិនទៅទេ ថែមទាំងសុំអោយ សាលវ៉ាលតូ រៀបចំបន្ទប់មួយអោយគេទៀតផង ។

" ថ្ងៃនេះជាថ្ងៃអាទិត្យ បងរៀបចំខ្លួនទៅណា? "

ឡរ៉េនសូ ស្រែកសួរ សាលវ៉ាតូ តែ សាលវ៉ាលតូ គេមិនបានឆ្លើយទេ ហើយក៏ដើរចេញទៅបាត់ទុកអោយគេនៅផ្ទះតែម្នាក់ឯង ។ សាលវ៉ាលតូ គេបានណាត់គ្នាជាមួយនឹង លីណា រួចហើយថាថ្ងៃនេះជូននាងដើរលេង ទើបគេត្រូវររៀបចំខ្លួនទៅទទួលនាងនៅឯផ្ទះរបស់នាង ។ ពេលមកដល់ផ្ទះនាង គេមានអារម្មណ៍ថាមិនល្អ ព្រោះផ្ទះនាងមានសភាពស្ងាត់ច្រងំ ហើយក៏មិនសូវមានផ្ទះណានៅក្បែរនេះ ប៉ុន្តែគេក៏ធូរចិត្តពេលឃើញកូនចៅរបស់ ឡរ៉េនសូ ដើរចុះដើរឡើងនៅម្តុំនេះ ។ នាងតូច លីណា រត់ចេញពីក្នុងផ្ទះពេលឃើញឡានរបស់ សាលវ៉ាលតូ មកដល់ ព្រោះតែមានឈាមជ័រជាជនជាតិអាសុី ទើបថ្ងៃនេះនាងមិនបានស្លៀកពាក់សុិចសុីអ្វីទេ គឺពាក់ធម្មតា មើលទៅសមរម្យ តែក៏ថ្លៃថ្នូរ

" ហេតុអីក៏សម្លឹងមើលបែបនេះ? មិន ស្អាតមែនទេ? "

ពេលឃើញគេឈរសម្លក់នាង នាងមានអារម្មណ៍ថាដូចជាស្លៀកពាក់ខុសចឹង ឬមួយគេចូលចិត្តមនុស្សស្រីដែលស្លៀកពាក់សុិចសុី? ត្រូវហើយមនុស្សប្រុសសឹងតែមួយផែនដីចូលចិត្តមនុស្សស្រីមានដើមទ្រូងនិងត្រកៀកធំ ការស្លៀកពាក់សុិចសុីបង្ហាញដើមទ្រូងអីបែបនោះ តែនាងមិនអាចធ្វើបានទេ

" អត់ទេ ចូលឡានទៅ "

គេក៏បើកទ្វាឡានអោយនាង

" អរគុណ "

នាងញញឹមទៅកាន់គេ តែគេមិនបានញញឹមតបមកកាន់នាងទេ បែរជាដើរទៅចូលក្នុងឡានពីទ្វាម្ខាងទៀត

" ឯងចង់ទៅណា? "

" ទៅណាក៏បានអោយតែពូគិតថាល្អ "

ល្អមែនទេ? គេមិនដែលដើរលេងផង តើគេដឹងថាកន្លែងណាដែលល្អដែលអាចនាំនាងដើរលេងបានទៅ

" ខ្ញុំមិនដឹងទេ "

" សួនសត្វល្អទេ? "

" មិនចូលចិត្ត "

" ផ្សារទំនើប? មើលកុន "

" នៅផ្ទះខ្ញុំក៏មាន "

" ចឹងទៅផ្ទះលោកពូទៅ "

" ច្បាស់ហើយហ្អេសថាទៅ? "

" ត្រូវហើយ "

" នាងមិនខ្លាចខ្ញុំចាប់នាងសុីទេ? "

នាងក៏មើលមុខគេបែបឆ្ងល់

" សុីអី? "

" គ្មានអីទេ "

គេក៏បត់មកក្រោយ គេនាំនាងមកជាន់ទី59របស់ក្រុមហ៊ុន ព្រោះនេះជាផ្ទះរបស់គេ ពេលបានមកដល់ក្នុងផ្ទះ សាលវ៉ាលតូ ក៏ឃើញ ឡរ៉េនសូ នៅដើរផ្គាប់មុខលើសាឡុង គេជាមនុស្សមិនសូវចេះខ្វល់ស្រាប់ទើបគេដើរទៅរៀបចំក្នុងបន្ទប់របស់គេមួយទៀតដើម្បីត្រៀមចាក់រឿងអោយ លីណា មើល ។ លីណា មកដល់ក៏ឃើញ ឡរ៉េនសូ គេងផ្គាប់មុខក៏ឆ្ងល់ដូចគ្នា ទើបឈរមើលគេយ៉ាងជ្រួញចិញ្ចើម ព្រោះនាងមិនស្គាល់គេទេ

" នេះ...នេះនាងជាអ្នកណា? "

ឡរ៉េនសូ បើកភ្នែកមកវិញក៏ឃើញ លីណា ឈរសម្លឹងមើលមកគេ

" លោកជាអ្នកណា? ហេតុអីមកនៅទីនេះ? "

" ខ្ញុំទៅវិញទេ ដែលត្រូវសួរនាង ហេតុអីក៏នាងមកនៅទីនេះ? ចូលមកយ៉ាងមិចបាន? "

" ដើរចូលមកតាមទ្វា "

" ទ្វាចាក់សោរ ទោះចង់ចូលក៏ត្រូវប្រើលេខកូដ "

" យ៉េស គឺមាន "

" ចឹងនាងចូលមកយ៉ាងមិច? "

" ប្រាប់រួចហើយ "

" ចម្លែកណាស់ ហេតុអីក៏នាងអាចចូលមកបាន? សាលវ៉ាលតូ ជាធម្មតាស្អប់មនុស្សស្រីណាស់ ហើយអារឿងលេខកូដផ្ទះនេះមិនងាយប្រាប់អោយអ្នកណាដឹងទេ "

ឡរ៉េនសូ គេដើរមកក្បែរ លីណា ថែមទាំងដើរមើលនាង2-3ជុំទៀត តែគេនៅតែគិតមិនយល់

" ខ្ញុំបានរៀបចំរួចហើយ "

សាលវ៉ាលតូ ក៏ដើរចេញមកហើយ តែក៏ទាក់ចំក្រខ្សែរភ្នែករបស់ ឡរ៉េនសូ ដែលកំពុងតែមានចម្ងល់

" នាងជាអ្នកណា? "

" លីណា "

ចម្លើយរបស់ សាលវ៉ាលតូ ទៅកាន់ ឡរ៉េនសូ ធ្វើអោយគេប្រែទឹកមុខភ្លាមៗ

" តាមពិតនាងតូច លីណា ទេហ្អេស៎? ខ្ញុំល្បីឈ្មោះនាងចេញពីមាត់ សាលវ៉ាលតូ ណាស់ ថ្ងៃនេះបានជួបនាងផ្ទាល់ នាងពិតជាគួរអោយស្រឡាញ់ណាស់ ខ្ញុំឈ្មោះ ឡរ៉េនសូ ដេមេអូ ជាប្អូនជីដូនមួយសាច់ឆ្ងាយរបស់ សាលវ៉ាលតូ "

គេក៏ចាប់ផ្តើមចេញចរឹកជិតស្និតនឹង លីណា តែក៏ត្រូវ សាលវ៉ាលតូ ទាញគេចេញ និងនាំ លីណា មកបន្ទប់មួយដែលបានរៀបចំឡើងមិនខុសពីរោងកុន តែទីនេះមានតែកៅអី4ប៉ុណ្ណោះ

" មើលទៅពិតជារ៉ូមេនទិចណាស់ "

" នាងតូចហ្អា ចង់មើលរឿងអី? ខ្ញុំធ្លាប់មើលរឿងច្រើនណាស់ ចង់មើលរឿងកាប់ចាក់ទេ? ខ្ញុំនឹងណែនាំអោយនាងមើល "

ឡរ៉េនសូ ក៏តាមពួកគេមកដល់ទីនេះ ថែមទាំងទៅអង្គុយក្បែរ លីណា ទៀត សាលវ៉ាលតូ ដែលកំពុងតែចាក់កូកាចូលក្នុងកែវក៏លួចសម្លក់ ឡរ៉េនសូ ដូចគ្នា

" ខ្ញុំមកមើលតុក្កតាទេ "

ចម្លើយរបស់នាងក៏ធ្វើអោយ ឡរ៉េនសូ ដកថយដូចគ្នា តែមិនអីទេ គេនឹងអង្គុយក្បែរនាងដើម្បីមើលជាមួយគ្នា

" ខ្ញុំក៏ចូលចិត្តមើលតុក្កតាដូចគ្នា "

" តែគម្រោងខ្ញុំ គឺចង់មើលមួយជាលោកពូ "

" ហេសៗ លោកពូមែនទេ? "

ឡរ៉េនសូ ក៏សើចពេលដឹងថា លីណា ហៅ សាលវ៉ាលតូ ពូ ព្រោះគេក៏យល់ស្របនឹង លីណា ដូចគ្នា ថា សាលវ៉ាលតូ ចាស់

" មើលមុខលោកទៅក្មេងណាស់ ចឹងខ្ញុំហៅលោកថាបងប្រុសចុះ "

ឡរ៉េនសូ លឺសម្តី លីណា ហើយក៏ឆ្លៀតញាក់ចិញ្ចើមឌឺទៅកាន់ សាលវ៉ាលតូ ព្រោះអាយុពួកគេខុសគ្នាតែមួយខែទេ តែគេមានភ័ព្វសំណាងបានមុខក្មេងជា សាលវ៉ាលតូ

" គេអាយុប្អូនខ្ញុំតែមួយខែប៉ុណ្ណោះ "

សាលវ៉ាលតូ គេក៏មកអង្គុយក្បែរ លីណា ទើប លីណា បែរមុខទៅមើល ឡរ៉េនសូ វិញ

" លោកពូ "

នាងហៅ ឡរ៉េនសូ ពូវិញ ទើប សាលវ៉ាលតូ លួចសើច ឡរ៉េនសូ វិញម្តង

" បើនាងចង់ហៅខ្ញុំបង ខ្ញុំមិនជំទាស់ទេ "

នាងក៏គ្រវីក្បាលដាក់គេ ថាវាមិនអាចទៅរួចដែលហៅ ឡរ៉េនសូ ថាបងនោះ ព្រោះនាងហៅ សាលវ៉ាលតូ ពូ ព្រោះអាយុរបស់គេលើសនាងដល់12ឆ្នាំឯណោះ ណាមួយមិនគួរអោយកើតមានរឿងច្រណែនគ្នាបានទេ ដូច្នេះនាងក៏ត្រូវហៅ ឡរ៉េនសូ ពូវិញដូចគ្នា ។ កុនតុក្កតាបានចាប់ផ្តើមបញ្ជាំង ដែលវាជារឿង COCO និយាយអំពីក្មេងប្រុសឈ្មោះ មីហ្គេល ឆ្លងចូលទៅពិភពរបស់អ្នកស្លាប់ដើម្បីតាមរក តាលួតរបស់គេដែលជាតន្រ្តីកដ៏ល្បី រឿងនេះមានទាំងកំប្លែងនិងឆុតឆាកកំសត់ដូចគ្នា ធ្វើអោយអ្នកមើលផ្លាស់ប្តូរទឹកមុខទៅតាមសាច់រឿង

ជិតចុងបញ្ចប់របស់សាច់រឿងដែល មីហ្គេល បានលេងហ្គីតាច្រៀងបទ Remember me ទៅកាន់លោកយាយCOCO ដើម្បីអោយគាត់ចាំប៉ារបស់គាត់ ហើយវាបានធ្វើអោយ សាលវ៉ាតូ នឹកឃើញម្តាយរបស់គេ ចំណែកឯ លីណា នាងនឹកឃើញដល់ប្អូនប្រុស និងប៉ាម៉ាក់របស់នាងដែលបានស្លាប់ទៅជាហេតុធ្វើអោយនាងយំតាមសាច់រឿងដូចគ្នា តែអ្នកដែលយំខ្លាំងបំផុតមិនមែនជា លីណា ទេ គឺជា ឡរ៉េនសូ ដែលអង្គុយយំតាំងពីពាក់កណ្តាលសាច់រឿងមកម្លេស

" គាត់មានវិបត្តិផ្លូវចិត្តមែនទេ? "

នាងក៏លួចសួរទៅ សាលវ៉ាលតូ ព្រោះមើលទៅ ឡរ៉េនសូ ដូចជាកំសត់ខ្លាំងណាស់

" ម៉ាហ្វៀដូចជាគេមិនចេះមានវិបត្តិទេ "

" លោកពូថាមិច? "

" គេជាម៉ាហ្វៀ "

" លោកពូនិយាយលេងមែនទេ? ម៉ាហ្វៀចរឹកចឹងហ្អេស៎? "

ចរឹករបស់ ឡរ៉េនសូ ទោះប្រាប់ក្មេងថាគេជា ម៉ាហ្វៀ ក៏មិនជឿ ព្រោះចរឹករបស់គេមិនសមជាម៉ាហ្វៀអីបន្តិចសោះ តែថាមិនបានព្រោះនេះជាចរឹករបស់កូនពៅ ចរឹករបស់ ឡរ៉េនសូ និង ដេមេនីកូ គឺសុីមេត្រីនឹងគ្នា ពេលជួបគ្នាម្តងៗធ្វើអោយផ្ទះមិនចេះស្ងាត់ទេ

#ThankForYourSupport