XIN's POV
"Uuwi ka na rin ba kaagad? May tatapusin ka pa bang trabaho?" Habang nag huhugas ng plato ay tanong ni Gabrianna sa katabi n'ya.
"Hindi ba pwedeng bukas mo nalang gawin yun maglalaro sana tayo ng unggoy-ungguyan eh," dagdag na bulong pa ni Gabrianna sa pinsan kong si Shan. Bumubulong s'ya pero rinig na rinig ko naman ang sinabi n'ya mula sa di kalayuan. Silang dalawa ang nakatokang maghugas ng mga pinagkainan kaya naman nasa lababo silang dalawa habang magkatulong na naghuhugas ng pinggan.
Pero anak ng tokwa, kung magbebebe time sila sa harapan ng lababo, bakit naman kailangang isinama rin ako ng mga walang pusong ito sa pinaggagagawa nila? Nananahimik akong nakaupo sa malambot na sofa noong itinuro ako ng magaling na babae. Naririnig ko pa sa isipan ko ang mga sinabi n'ya.
