XIN's POV
"Truth or dare?" Nakangising tanong ni Iana kay Gigi. Hawak-hawak n'ya ang pinagsalikop na kamay ng tita n'ya.
"A-awww! Gabrianna ang sakit na ha. Hindi pa nga ako pumipili kung truth or dare eh!" malakas na bulyaw ni Gigi sa pamangkin n'ya.
Marahan kong pinunasan ang mukha kong puro uling. Kani-kanina lang ay punasan lang ng uling sa bawat player na matatalo. Ngayon, hindi ko alam kung bakit at paano naging truth or dare ang consequences ng matatalo.
Kinakabahan akong mag-dare. Kanina lang nag-dare si Kenjie na mukha ng puwet nang kawali ang mukha sa sobrang itim. At ang dare sa kanya? Kumain ng sampung siling labuyo. Although hindi namin makitang namumula ang mukha n'yang puro uling, mula tenga n'ya hanggang leeg, pulang-pula ang kulay ng balat n'ya.
Kapag nag-truth ka na
