MALALIM ANG INIISIP ko habang nakatitig sa phone ko kung saan nabasa ko ang mensahe galing sa nanay ni Chard. Sinabi nito na nagpapakalasing daw si Chard at nagmamakaawa ito sa akin na balikan ko ang anak niya.
"Sino ang ka-text mo?"
Napaigtad ako at agad na in-exit ang message ng mother ni Chard bago ko hinarap si Jam na hindi ko namalayan na nakapasok na ng walk-in closet niya.
"S-Si . . . Sister lang ang nag-text. Kinakamusta ko kasi sila Cathy," palusot ko at napakagat ako ng labi dahil nagsinungaling ako. Ewan ko kung bakit kinakabahan ako na sabihin iyon sa kanya.
"I see," sabi nito ngunit malalim naman siyang nakatingin at tila kinukumpirma kung nagsasabi ng aba ako ng totoo. Napabuntonghininga siya bago ngumiti. "Gusto ko ng tubig. Ikuha mo muna ako," sabi niya kaya tumango ak
