قبل ما شهد تطلع بحمزة وقفتها وقولت بخضه:
ماله حمزة في اي، وانتي سنده كدا ليه يا شهد اي اللي حصل انطقي.
شهد اتوترت وقالت:
مفيش حاجه يا روح، حمزة بس مصدع شوية وعايز يرتاح وطلب مساعدتي، وسعي كدا بقي خليني اوصله اوضته.
معرف ليه مكنت مرتاحه لكلامها وقولت:
طب استني هساعدك حمزة تقيل ومش هتعرفي توصليه لوحدك، يلا خلينا نطلعه.
لاقيته اتعصبت وقالت:
متخليكي في راجل واحد انتي اي مش بترحمي، جوزك لو جه دلوقتي هتقوليله اي، روحي لبنتك احسن ليكي يا روح، حمزة اصلا مش طايق يشوفك.
اضايقت اوي من كلامها وقولت:
انتي عندك حق، ياريت توصليه وتعمليله حاجه سخنه يشربها، عن اذنك.
وسبتها ومشيت وهي ابتسمت بخبث وطلعت بحمزة الاوضة وحطيت علي السرير وقالت:
من اللحظه دي انت هتبقي ملكي يا حمزة، انا مستحيل اضيع الفرصة دي لو اي حصل،
قربت منه بدلع بس حمزة قال:
ابعدي عني يا روح، انتي وجعتيني اوي
