Hindi pumayag si Priya na ganoon lang ang magiging usapan ng dalawa.
Marami siyang gustong mangyari at magkakasundo lang sila kapag pumayag ito sa gusto niyang mangyari.
Pabubuksan niya ang kaso upang umisad muli at kung totoong sinsero nga ito sa kaniya, hindi ito magrereklamo sa hinihiling niyang pabor.
Maliit na bagay lang ito para kay Alken at tiyak na para sa binata ay hindi na ito mahalaga.
Ngunit para kay Priya ay napakalaking bagay nito at sobrang mahalaga dahil nakasalalay sa kaso ang kanyang buhay at dignidad.
Sinundan niya ang binata at siya naman ngayon ang nangungulit dito.
"At ano na ang mangyayari kung makikipagsundo ako sa 'yo. Kapag pumayag ba ako na maging maayos ang pagitan sa ating dalawa, papayag ka rin ba na tulungan ako sa kaso ko?" mausisa niyang tanong
