Hawak-hawak pa rin ni Alken ang kamay ni Priya simula ng bumaba sila sa kotse.
Sila lang dalawa at hindi na pina-drive ni Alken si Mang Jose.
Kaya nagtaka si Mang Jose dahil hindi naman ganito ang amo niya.
Hindi ito sanay na wala siya dahil sa tuwing may lakad sila ay lagi itong tinatamad na magmaneho.
Parang gustong umatras ni Priya dahil kahit hindi naman siya marumi at dugyot tingnan pero hindi pa rin nababagay ang suot niyang damit sa lugar na kanilang pinuntahan.
Simpleng t-shirt at maong na medyo kupas lang ang suot niya na pinaresan ng luma ring sapatos.
Sanay siya sa ganitong uri ng lugar noong siya ay hindi pa nakulong.
Noon, masasabi niyang mataas ang kumpiyansa niya sa kaniyang sarili at sa tuwing papasok pa lamang siya sa entrada ay kaagad na niyang nakukuha ang
