KABANATA XIII – “PANATIKO”
“MATAGAL ng panatiko ng Taongbato si Francis bago pa kami magkakilalang dalawa. Sobrang obsess siya sa taong ito. Gusto niyang makita ito ng personal hanggang sa isang araw sinabi niya sa akin kung paano niya palalabasin ang Taongbato. Kailangan nyang gayahin ang uri ng pagpatay na ginagawa nito.” Panimula ni Arthur. Nagsindi ako ng sigarilyo ko at wala naman akong magagawa rin ngayon kung ‘di ang pakinggan siya. Mahaba pa ang gabi at gusto ko rin talagang lumabas muna sa bunganga niya na siya ang may kagagawan ng pagpatay sa syota niya, “…isa akong blogger sa Manila. Meron akong websites tungkol sa mga urban legend at isa sa mga naging topic ko roon ay si Brando Taongbato.”
“Hindi naman siya urban legend. Totoo talaga siya kaya nga kilalang-kilala siya rito
