KABANATA XIV – “BOSES NG DEMONYO”
DALAWANG oras ang layo nitong San Jose sa San Nicholas. Kahihinto ko pa lang ng sasakyan ko sa harap na isang parang lumang-lumang bahay na napapalibutan ng bakod. Ang tanging ilaw lang na nakikita ko sa loob ay parang nagmumula sa parte ng kusina sa gawing kaliwa. Hanggang dalawang palapag ito. Subdivision itong pinasok ko, halos magkakaparehas ang mga bahay rito na bakod lang ang pagitan sa isa’t isa. Dalawahang sasakyan ang lawak ng kalsada. Sa kabilang tawid ay meron din mga nakahalerang mga bahay. May mga bahay na meron mga sasakyang nakaparada sa harapan ng bahay nito. Tahimik at madilim na rito. Lampas alas kwatro na rin naman ng madaling araw.
Hindi ako nakakaramdam ng antok. Gustong gusto ko na talagang makita ang kapatid ko. At kung tama man
