HANGANG kinabukasan ay naguguluhan si Charity sa inasta kagabi ni Cameron. Iniisip pa nga niya ang tagpo kagabi habang nakahiga sa kaniyang kama. Wala sa loob na hinawakan niya ang pendant ng kaniyang kwintas. Gusto niyang kausapin si Cameron, pero bigla siyang nawalan ng lakas ng loob. Baka wala na ang tama ng alak sa sistema nito at balik na naman ito sa dati.
Napabuntong hininga siya at bumangon na. Tinignan niya ang orasan sa bed side table, alas otso na ng umaga, ibabaling na sana niya sa iba ang paningin nang may mapansin na isang papel, nakaipit ito sa flower vase na nasa table, katabi ng orasan. Kinuha niya iyon at binasa ang nakasulat.
"From now on, don't wear the maid's uniform."
-Cameron
Napaawang ang labi ni Charity at hindi makapaniwala sa nabasa. Kinusot pa niya ang kaniy
