IKATLONG araw na at hindi pa rin nagkukrus ang landas nila ni Cameron. Lagi itong maagang aalis at gabing-gabi na uuwi. Nasasaktan siya sa ginagawa nito, pero nanatili siyang walang kibo at hindi kinokompronta ang lalaki. Hinahayaan na muna niyang magpalamig ito.
Balak niyang magtungo kina Madam Ada ngayon, hindi na muna niya isasama si Calista. Balak din niyang dalawin si Milet at yakagin itong mamasyal para ma-refresh ang isipan niya. Ngunit wala si Madam Ada nasa importanteng meeting, paalis na sana siya nang dumating naman si Stefano na nabigla nang makita siya roon.
"You're here..."
"Yeah."
"Paalis ka na agad?" Anito na bakas ang panghihinayang sa mukha. "Nasaan si Calista?"
"Umm, yah. Dadalawin ko sana si Tita Ada, pero wala pala siya, so, aalis na ako. And about Calista, hind
