HALOS lampas isang linggo silang nanatili sa Cebu nang biglaan na lamang nag-ayang umuwi si Cameron dahil may mahalagang transaksyon daw itong gagawin. Hindi niya alam kung transaksyon sa mafia organization nito o sa kumpanya nito, pero alin man sa dalawa ay labas na siya roon, hindi ba? Wala siyang karapatan na magtanong ng kung ano sa lalaki. Nang makarating sila sa mansion ay naging abala na ang lalaki. Bagay na hinayaan na muna niya dahil mukhang mahalaga ang inaasikaso nito.
"Kumusta naman ang bakasyon, madam?" Pabirong tanong ni Sharlot nang gabing datnan siya nito sa silid ni Calista. Pinatulog niya ang anak dahil umuulan nang gabing iyon at takot ito sa malakas na kulog.
"Masaya naman, nag-enjoy si Calista," aniya na nakangiti sa babae.
Tumaas ang kilay ni Sharlot at ngumiti nan
