GABI na ngunit hindi pa rin makatulog si Charity. Naalala niya ang naging usapan nila ni Cameron sa mansion...
"Sumunod ka sa akin," ani Cameron kay Charity. Hinawakan nito ang kamay ni Calista at pumasok sa mansion.
Ayaw man pumasok ni Charity, pero napilitan siyang sumunod dahil naroon ang anak. Nakita pa niya si Ms Salve dahil ipinabantay muna ni Cameron si Calista rito. Mangiyak-ngiyak ang matanda nang makita siya at ganoon din siya, ang saya niyang malaman na okay lang 'to. Mabilisang yakap lamang ang pinagsaluhan nila.
"Sige na at sumunod ka na kay Sir Cameron, alam mo naman 'yon, ayaw niya ng pinaghihintay. Ako na ang bahala muna kay Calista," ani Ms Salve.
Tumango siya at sinundan sina Cameron sa may backyard sa kung saan sa gazebo nagtungo ito.
"Take a sit, Charity."
"Hindi
