“CATH, let’s eat,” mahinang tawag ni Andrei sa dalaga. Nakatayo ito sa labas ng pinto ng silid na kinaroroonan ni Cathy. Hindi naman nag tagal ay bumukas ang pinto at lumabas na rin ito. Pilitin mang itago ang pamamaga ng mga mata ay hindi iyon nakaligtas sa paningin ni Andrei.
Ganun pa man hindi na iyon isinatinig ni Andrei. Walang isa man sa kanilang dalawa ang nagsasalita. Pagdating nila doon ay ready na ang mga pagkain. Kaya umupo na agad sila at nagsimulang kumain. Kapansin pansin ang kawalang gana ni Cathy. Kumakain ito pero makikitang pinipilit lang nito ang sarili.
Ilang minuto pa ang lumipas at tahimik nilang natapos ang pagkain. Nagmamadaling tumayo na agad si Cathy para samsamin ang mga pinagkainan nila. Nilagay niya ang mga yon sa lababo bago humarap sa binata.
“Andrei, ba
