Drizella Genet’s POV
Sobrang bilis magdaan ng araw pero masasabi ko na sobrang saya naman ng bawat araw ko. Mas gusto ko na lang manatili sa bahay para lang makasama si Pierre at gawin ang gusto kong gawin. Malapit na ang laban namin. Isang buwan na lang at mangyayari na ang pinahinihintay ng mga kababaehan sa Escajeda.
Nakatulong sa akin si Khloe. Marami akong natutuhan sa kanya at ang sarap niyang kausap. Sobrang bait niya pa at kahit hindi naman kami ganoon katagal magkakilala, ituturing ka pa rin niyang kaibigan. Hindi na ako nagulat kung bakit sobrang daming kaibigan ni Khloe sa loob at labas ng hacienda.
Ang relasyon ni Pierre sa mga magulang niya, mas lalong nagiging maayos. Natutuwa ako na sabay naming naibabalik ang maayos at masaya naming pamilya kahit na malayo kami sa kanil
