Drizelle Genet’s POV
“Mga bwisit kayo!” bulyaw ni Kuya sa mga kaibigan namin habang papasok kami ng sasakyan.
Madilim na pero tawanan pa rin kami nang tawanan. Pinagkaisahan kasi nila si Kuya. Takot na takot kasi kanina si Kuya Damien sa pagdaan sa tulay paakyat ng cloud nine. Asar talo siya sa mga kaibigan niya ngayon.
Padabog na naupo si Kuya sa silya niya habang tawanan pa rin nang tawanan ang mga kaibigan namin. Nakahawak na sila sa mga tiyan nila sa kakatawa ng malakas.
“Sa malapit na restaurant tayo!” inis na sigaw ni Kuya. “Pakakainin ko ng mga sili ‘to!”
Mas lalong lumakas ang tawanan ng sasakyan habang nasa silya lang ako at nakikisabay din. Nakakagaan nga talaga sa loob na makasama silang apat. Nawala sa isip ko ang dinadala kong problema dahil doon.
“Ang tapang mo pa kan
