Dave's POV
[The Confrontation]
Ewan ko ba kung bakit kinakabahan ako habang papunta kami sa may rooftop. Medyo magdidilim na at mas lalo akong kinakabahan sa mga susunod na mangyayari.
"Salamat sa pagsabi mo sa akin," sabi ko sa babae na nagsabi sa akin nang makarating kami. Tumango lang siya at patakbong umalis.
Nadatnan namin ang nakakaawang posisyon ni Jasmine. Nakatali ang kaniyang mga kamay at paa, pati na rin ang kaniyang bibig. Gulu-gulo na rin ang kaniyang mahabang buhok kaya hindi ko mapigilang maawa sa kaniya. Lalapitan ko na sana siya subalit bigla na lang bumukas ang pinto ng room na nasa rooftop at lumantad ang isang pamilyar na babae.
Tatawa-tawa siyang humarap sa amin habang hawak-hawak ang isang baril. Hindi ko akalaing magagawa niya ito sa babaeng mahal ko.
"Precy,"
