Jasmine's POV
[The Revelation]
Bago matulog ay naisipan kong puntahan si Mama sa kwarto niya. Gusto ko siyang makausap, gusto kong malinawan sa mga pangyayari dahil marami akong katanungang naghahanap ng kasagutan. Marahan kong inikot ang door knob at napangiti ako nang malamang bukas pa iyon.
Kaagad na umalingawngaw ang tunog ng pintuan at nadatnan ko si Mama na nagbabasa ng bible.
"O, anak.." tawag pansin niya. Saglit niyang inilapag ang hawak na bible at pinapasok ako, "Bakit gising ka pa? Hindi ka ba makatulog?" Napangiti pa siya habang inaayos ang buhok ko. Hindi ako nakasagot at sa halip ay hinayaan siyang makapagsalita muli, "Malaki ka na talaga anak, parang kailan lang ay karga-karga pa kita at hinehele-hele sa tuwing matutulog ka na," nakangiti pa niyang tugon. Napalunok ako n
