في فيلا الجندي بأسيوط
دلف مدحت وسلامه إلى داخل الفيلا وهم في أعلى درجات الغضب
رحاب ( زوجة مدحت ) : خير قالبين وشكم ليه ؟
مدحت بإنفعال : اللي ما تتسمى اللي اسمها ياسمين حاطه وشنا في الطين وقسما وبالله ما ألاقيها لعلمها الأدب بيكون أزاي
رحاب : طب أهدوا طيب كل مشكله وليها حل ، وأنا قلت لكم قبل كده بلاش تغصبوها على حاجه
مدحت بغضب : أمال نسيبها لمخها عيلة الجندي مفيهاش بنت بتعمل حاجه من نفسها
استغلت عايده هذه الأجواء
عايده بغيظ : ع الأقل كنت علم بنتك الكلام دا الأول
رحاب : وليه كده يا عايده
مدحت بهدوء مخيف : تقصدي أيه بالكلام دا
عايده : بنتك المصونه بتكلمني زي ما كون ضُرتها
مدحت بهدوء مُخيف : عملت أيه دي كمان ؟
عايده بمكر : بنتك مستغله فُرصة إن جوزها مش موجود وبتلعب على حَل شعرها
رحاب بخوف : أيه اللي بتقوليه ده يا عايده
عايده : أنت بقول اللي شُفته بعيني ولما جيت أكلمها سمّع
