"Akala ko ba nag-away kayo ni Karla kagabi? Bakit pangiti-ngiti ka naman riyan?" tanong ni Duke sa kanya habang nasa harap sila ng computer. Tuwing sumasagi kasi sa isip niya si Sarrah ay napapangiti siya. Nakakalimutan niya ang pinag-awayan nila ni Karla kaninang madaling-araw.
"Yeah, I'm not done with Karla. Hindi ko na alam kung anong gagawin ko sa relasyon namin." Inalis niya ang ngiti sa mukha dahil baka mapagbintangan naman siyang nasisiraan na ng bait. Nasabi niya na ang problema niya sa mga kaibigan at ang payo ng mga ito ay mag-imbestiga kay Karla kung ano ang ginagawa nito sa Paris.
"Sana kasi sumama ka kagabi nang yayain ka niya nang hindi ka nanghuhula ngayon kung ano ang ginawa niya doon kagabi."
"No... I think my decision was right." Hindi pa rin niya pinagsisihang hindi s
