Ipinakilala sa kanya ni Troy ang kinakapatid nito na si Ariana. Hanga siya sa ganda nito na may lahing Amerikana na kay puti at kay tangos ng ilong. Gusto din niya ang dark brown nitong alon-along buhok. At palagi itong nakangiti nang may kompyansa sa sarili.
At tuwang-tuwa din itong nakilala siya dahil nababagot na rin itong mag-isa sa bahay. Kauuwi lang nito galing sa Baguio kung saan ito nag-aral ng kolehiyo. Wala pa din daw itong gaanong kaibigan sa Maynila. Napilitan lang itong sumama sa ina nang makasal ito sa ama ni Troy.
Iniwan silang dalawa ni Troy dahil bumalik pa si Troy sa opisina. Bukas pa ang punta ni Dylan para bisitahin siya dahil baka may nakamasid sa mga kilos nila. Hangga't wala namang napapatunayan ang Auntie Karla niya ay hindi naman siya natatakot. Hindi
