Hindi nakasagot si Sarrah sa sinabi ni Dylan. Limang milyong piso para sa isang anak? Ibig sabihin ay magiging milyonaryo siya kung sampung anak ang kaya niyang ibigay? Too good to be true. Pero kahit gaano kalaki ang ibabayad sa kanya ay hindi siya papayag na gagawin siyang tila paanaking baboy. Tama na ang isa. Nakakainsulto na ang offer nito kahit pa gaano kalaki ang halaga. Kailangan lang niya para sa Inay niyang maysakit ngayon. Hindi na siya uulit pa.
"But I am grateful now that you have agreed to give me even one child," bawi ni Dylan sa sinabi nito. Siguro ay nakita nitong na-offend siya.
"Hindi pa nga tayo sigurado na kaya ko 'yang isa mo eh." Ibinaba niya ang tingin sa hinihiwang sibuyas. Napapaso siya sa mga titig nitong halos ibaba na ang mukha sa kanya. Mabuti na lang talaga
