Abala si Sarrah sa pagpili ng recipe book sa isang bookshop habang siya ay nakasunod lang sa dalaga. Matyaga siyang naghihintay dahil gusto niyang ma-enjoy nito ang pagpili. Kulang na lang ay bilhin niya lahat ng recipe book doon para sa bahay na lang nito basahin. Pero tiyak naman niyang hindi papayag si Sarrah.
Nang makapili ng dalawa ay niyaya na siyang magpunta sa counter. Sinubukan pa nitong bayaran ang libro mula sa pera nito pero hindi siya pumayag. Bumili na rin siya ng libro na tungkol sa baby at pag-aalaga ng baby mula sa pagbubuntis pa lang hanggang sa isang taon ang bata. Dapat ay sila ang nag-aaral ni Karla niyon. Pero mas interesado ito sa lilipatang apartment kaysa ang buuin ang pamilya nila.
Sayang. Nanghihinayang talaga siya.
"Umuwi na tayo."
"Bibili pa tayo ng kwintas
