KABANATA 19
Kanina pa pasulyap-sulyap si Sancho sa paligid kung nasaan sila habang nakaupo sa pwesto na pinili mismo ni Taira. Ang sabi ni Taira ay may bibilhin daw ito pero heto sila sa loob ng isang mamahalin na kainan ng mall. Naisip niya na baka gutom lamang ito kung kaya ganoon. Nahihiya lang talaga siya dahil first time niyang makapasok sa ganoong lugar. Ayaw nga sana niyang pumasok at hintayin na lang ito sa labas, pero nagpumilit si Taira.
Bumalik na ito sa pwesto nila at nagtakha pa siya lalo dahil i-n-orderan din siya nito.
“Nag-abala ka pa. Hindi mo na dapat ako binilhan,” sabi niya rito.
“Do you expect me to eat tapos ikaw nakatingin lang? Kumain ka.”
Wala na siyang nagawa, ayaw na niyang makipagtalo rito lalo na at may kasalanan pa siya rito. Bumaba ang tingin niya sa mga
