KABANATA 18
Ito na yata ang pinakamagandang gising ni Sancho magmula nang nalipat sila ni Lui sa probinsiya na ito. Hindi na napawi ang ngiti niya na mula pa yata kagabi bago matulog ay naroon na. Lui looked weirdly at him, pero hindi pa rin niya matago ang magandang pakiramdam. Ganito ang epekto sa kaniya ni Taira.
“Mukhang maganda ang gising mo, ah? Nanaginip ka siguro ng maganda, ano?” pansin ni Lui.
“Hindi naman yata panaginip iyon eh, mukhang totoo.”
Naningkit ang mga mata nito kung kaya ay natawa siya. Naisip niya na ibahagi sa kaniyang kaibigan pero agad ring natigilan. Naisip ni Sancho na kung ano kaya ang mararamdaman ng kaibigan niya? Nakaramdam siya ng konsiyensiya na maglihim maging konsiyensiya na binibihag na ang puso niya. Si Lui ang natatanging espesiyal na tao sa puso
