KABANATA 25
Tahimik lamang na nakasunod si Sancho sa likod ni Taira. Pababa na ito para makauwi. Ramdam niya ang lamig. Ramdam niya ang galit. Lihim siyang napabuntong hininga, nag-iisip ng paraan kung paano niya ito paaamuhin mamaya. Marami siyang gustong ipaliwanag, kaso baka sarado pa ang utak nito sa kung ano ang sasabihin niya ngayon kung kaya ay papalipasin niya muna.
Nang makarating sa baba ay mukhang naghihintay pa rin ang lahat. Sinulyapan siya nila Mang Albert at Tatay Tonyo na mukhang kailangan niya ring kausapin mamaya. Bigla yatang sumakit ang ulo ni Sancho. Mas rumami ang kailangan niyang paliwanagan. Sigurado niyang handa na sa mga utak ng mga ito ang mga katanungan nila para sa kaniya.
“Uuwi na po ako, Mang Albert,” si Taira.
“A-Ay ganoon po ba, Sir? Hindi na po ba muna
