"Naloloko ka na ba, Yuri?!"
Ang malakas at galit na sigaw ni Michael ang pumutol sa pag-aaral na ginagawa namin sa isa't isa ng Nephalem na kausap ko. Sabay din kaming napatingin kay Michael na nagmamartsa papunta sa kinatatayuan namin.
"Inalis namin ang pagkakakandado ng iyong kapangyarihan upang talunin si Imperius! Hindi upang gawing tao ang isang Nephalem kung kailan mo maiibigan!" asar na asar nitong panunumbat sa akin.
"Ikaw na ang nagsabi, Michael. Sa'yo na nanggaling na kapangyarihan ko ito kaya ako ang magdedesisyon kung kailan at saan ko gagamitin ito. Kung iyon ang tanging paraan upang mabigyan ng pagkakataon ang mga tulad nila na maranasan ang buhay na malaya na meron ka at meron ako, bakit ko ipagdadamot ang pagkakataon sa kanila?" mahinahon kong paliwanag na tila lalo na
