"Bakit wala ka yata sa mood?"
Napalingon ako kay Marco mula sa aking pamimintana. Nasa loob kami ng kotse niya at papunta na sa eskuwelahan.
"Paano naman kasi, bigla na lang dumating si Lucian sa apartment ko kaninang madaling-araw," panimula kong pagkukuwento.
"Ano?!"
Nagpreno nang malakas si Marco na muntik ko nang ikahagis sa dashboard.
"Marco, ano ba?!" sita ko sa kanya. Mabuti na lang at naka-seatbelt ako kung hindi ay baka lumipad na ako palabas sa kotse.
"Sorry, Jay. Nabigla lang ako. Pero totoo bang pinuntahan ka ni Lucian kaninang-madaling araw? Anong sinabi niya? Anong ginawa niya sa'yo?" may halong galit pa sa pagtatanong nito na parang isang kriminal si Lucian. Napagtanto ko na talaga ngayon na hinding-hindi siya pupuntahan ng anak ni Lucifer kung ganito ang inaasta n
