"Bago kayo magdesisyon, nakatitiyak ba kayo na iyon ang gugustuhin ni Asmodeus? Ang mabuhay muli ngunit bilang isang nilalang na kinamumuhian niya?"
Napatingin kaming lahat kay Arturis. Naririto kami ngayon at inaantabayanan ang paggising ni Ina. Sina Ama, Lucifer, at Michael naman ay nakabantay sa kanilang kapatid. Samantalang si Andreus ay nakabantay sa bangkay ni Renus. Nagpapahinga naman sa isang tabi sina Marco at Remniz.
"Hindi porke gusto mong mamatay pagkatapos nito ay igagaya mo na ang lahat sa'yo!" galit na turan sa kanya ni Lucian.
"Tama ka at iyon ang pinupunto ko. Kinamumuhian ko ang mga demonyo lalo na ang mga anghel dahil sa ginawa nila sa amin. At hindi lang sila ang kinamumuhian ko. Kinamumuhian ko rin ang mga tao at ang mga hayop. Ang lahat ng may buhay ay kinamumuhi
