"Paglaki mo at nasa tama ka ng edad, ikaw ang magmamana ng kahariang ito, Yuri."
"Talaga, Lolo? Magiging akin ang lahat ng ito?"
Humahangang iginala ko ang aking mga mata sa napakalawak na lupain ng Lolo ko. May mga apoy man sa paligid, may mga demonyo mang nagpaparusa sa mga kaluluwang makasalanan, at may mga sungay man o buntot ang karamihan, para sa akin ay napakaganda ng kanyang kaharian.
"Oo, Yuri. At hindi na kayo sa mansiyon ng iyong ina titira kundi sa aking palasyo. Pagsisilbihan ka hindi lamang ng mga ordinaryong demonyo kundi pati na rin ng mga pinsan mo, ng mga tiyuhin at tiyahin mo."
Nawala ang ngiti ko sa huling sinabi niya.
"Lolo, hindi ba at galit sila sa akin kaya baka hindi rin nila ako pagsilbihan," waring pagsusumbong ko sa kanya. Sa mura kong edad ay nakikita a
