[Christen Park]
SA PALAGAY ko ay hindi nalalayo ang edad ni Matthew kay Corey na nasa edad beinte-singko. Maliit lang din siyang babae natulad ko, maiksi ang kanyang itim na buhok, maliit na may katangusan ang kanyang ilong at maganda ang kanyang kutis at mata. Makinis ang kanyang mukha na parang hindi man lang makita ang mga pores doon. Nakapantalon at turtleneck siyang pink na pinatungan ng maong na jacket. Sa unang tingin ay mahahalata na agad na conservative si ate girl.
Masasabi ko rin na genius din si Corey para maging pharmaceutical scientist sa batang edad. Kadalasan naman kasi na nasa treinta na ang mga katulad niyang magaling na doktor sa larangan na iyon. Isa pa, hindi rin kasi lingid sa akin na mahirap makapasok sa X Laboratory.
Matapos kong makuha ang mga gamot ng supposito
