[Christen Park]
HINDI pa rin nawawala ang pagkainis ko kay Mikko Jang kaya naman hindi ko siya pinapansin. Gayunpaman ay pinasakay ko siya sa kotse namin para ihatid siya sa hotel. Kahit naman galit ako sa kanya ay hindi magandang ideya na hayaan ko siyang magmaneho ng hiniram niyang kotse, bahala na ang lokong si Yu sa kotse nito.
"I will be going home to Taiwan, I hope I could see you bago man lang ako umuwi sa amin," narinig kong saad ni Mikko bago siya bumaba ng kotse.
Hinayaan ko na lang muna siya. Kailangan kong pakalmahin ang sarili ko. Nakapag-explain naman na siya sa akin kung ano ang mga nangyari kaya kikitain ko na lang siya bukas.
Bago ako makarating sa bahay ay natanggap ko ang listahan ng mga taong pumasok sa loob ng silid ni Miss Sandy sa ospital mula kay Matthew. Tulad
