NAYA'S POV
Hinawakan niya ang kamay ko at marahang hinila palayo sa dance floor. Hindi ako nag-alinlangan—sumunod lang ako.
Narinig kong tinawag ako ni Veron, pero hindi ko siya nilingon. Ngumiti lang ako at kumaway ng paalam. Kumindat siya sa akin bago bumalik sa dance floor, sumasabay sa tugtog na parang walang pakialam sa mundo.
Lumabas kami ng bar, sinalubong kami ng malamig na hangin, pero hindi iyon sapat para ipahupa ang init na dumadaloy sa katawan ko—hindi ko na alam kung dahil sa alak o sa lalaking kasama ko.
Huminto kami sa tapat ng isang mamahaling kotse. Binuksan niya ang pinto at inalalayan akong pumasok. Hindi ko alam kung matino pa ba ang pag-iisip ko o nadadala lang ako sa kung anong nakakapanghilong pakiramdam na bumabalot sa akin.
Tahimik akong naupo, sinundan siya
