After last exam, pumayag na rin akong sumama kanila Ira. Nagplano silang kumain sa labas at kaming section A ang magkakasama. Sayang lang hindi kami kumpleto dahil ‘yung iba hindi pinayagan.
Pinayagan naman ako ni tita nang magpaalam ako sa kanya, sinabi pa niyang mag-enjoy ako dahil sinabi ko sa kanya na kasama ko si Rico. At dahil madalas ng lumalabas sa bibig niya ang pangalan ni Rico, feeling ko botong-boto siya kay Rico na magustuhan ko pero wala akong magagawa, si Luiz ang gusto ko. Hindi ko pa masabi sa kanya dahil masyado pang maaga.
“Sa wakas!” agaw-pansin na sabi naman ni Richard nang mapasok kami sa gusali.
Napailing na lang ako, pinagtinginan kami ng mga tao. Binatukan naman nila Kale si Richard kaya natahimik.
“Dinamay mo pa talaga kami,” ani Kale.
“Sira ulo,” sabi na
