Pagbalik sa school ay hindi na kami pinapasok sa klase dahil may natitira pang lesson ang mga hindi sumama, next week pa ang examination nila. Kaming mga kasali sa community engagement ay mag te-take na ng exam sa isang room, 2nd floor ng building. May kanya-kanyang schedule ang bawat section para sa mga sumali sa CE, kaming section A sa umaga ang exam. At kapag tapos na, p’wede na kaming umuwi.
“Essay lang naman ‘yon, ‘di ba?” narinig ko namang tanong ni Richard habang naakyat na kami sa hagdan.
“Oo, pre. Essay na dapat maka-1000 words ka,” ani Peter saka tumawa.
“Putek, tas ilang items, noh?” tugon ni Richard.
“Ten,” ang sumagot naman si Rico kaya napatingin halos lahat sa kanya, maski ako. Napailing na lang ako nang mabasa sa kanyang isipan na nagbibiro lang siya.
“Seryoso? Luh
