الفصل الخامس عشر

1111 Words

يوم جديد .. تستيقظ علي صوت حماتها مره اخري لتقول اسين بتأفف = ابقي فكريني اغير قانون الباب يا حماتي = لو غيرتيه ميت مره هاخد نسخه بردو ... لتكمل بغضب : = قومي اخلصي .. اومال مين الي هيغسل المواعين التسابت امبارح لتشهق اسين بنبره مصطنعه : = هو انا مقولتلكيش = لا مقولتيش = مش انا تعبانه وجوزي قالي ارتاحيلك اسبوع او اسبوعين يا اسين ومتحطيش ايدك ف اي حاجه لتهتف الاخري بغضب : = نعم نعم ياعنيا .. متحطيش ايدك ف اي ... ابتسمت قائله بمرح وغل : = شكلك مسمعتيش ممكن اعيد تاني .. جوزي قالي ... صرخت عندما امسكت الاخري شعرها بغضب قائله = وديني لمخلياه يرنك علقه انهارده ... ثم تركتها واندفعت للخارج بغضب لتقول اسين بقلق = استر يالي بتستر .... ثم امسكت هاتفها مسرعه واجرت اتصال ليأتيها الرد لتقول بتعب مصطنع وبكاء = الحقني يا محمود .. امك ض*بتني واخذت تجهش في البكاء المصطنع ليقول بضيق = ض*بتك من غير سبب لتقول موضحه بكذب : = دا كلو عشان مخلصتش مواعين امبارح وجايه عايزاني اقوم اخلصهم وانا تعبانه اوي .. جسمي م**ر ودايخه .. قولتلها سبيني شويه هعمل حاجه اشربها وامسك نفسي وهبقا انزلك ... قامت ض*باني وقالتلي هتخليك تض*بني .. اهئ اهئ .. خايفه ليجي يوم واحمل تقوم مسقطاني بعمايلها دي ليأتيها رده : = طيب اهدي وخليكي نايمه ومتتحركيش .. وملكيش دعوه ب اي حاجه = حاضر ثم قفلت معه وابتسمت بانتصار ...(قال يرنلي علقه قال دا انا هربيكي يا حماتي لحد ماتقولي بس ههههه) .................... علي الساعه ثالثه عصرا وجدت طرقات علي الباب ذهبت لتفتح لتشهق بفرحه عندما وجدت رفيقتها واقرب شخص لها .. احتضنتها بشده قائله = وحشتيني اوي يا سحر ردت الاخري بسعاده : = وانتي كمان يا اسين اسين وهي توسع لها لتدلف = ادخلي ادخلي .. نورتيني والله دلفت سحر وجلست في الصالون وجلست معها اسين .. اشتاقت لها كثيرا فهي لم تزورها منذ فتره طويله .. = ازيك يا سحر .. ردت الاخري بابتسامه باهته : = الحمدلله وزي مانتي شايفه اسين بقلق : = مالك يا حبيبتي حساكي متغيره عن الاول سحر بقهر وحزن : = تعبت يا اسين تعبت من الجوازه دي ... ابخل شخص ممكن تشوفيه علي الارض .. يارتني ماتجوزته اسين بتعجب : = اي الحصل !! اردفت الاخري : = بيشتغل بمرتب كبير وبيحوش تلات تربعه وكل اربع شهور يروح يحط التحويشه في البنك والباقي بيمشي بيه امورنا بالعافيه ... العيال نفسهم يخرجو ويروحو مطاعم زي البشر ونفسهم في حاجات كتير وجوزي محبكها عليهم .. حتي انا مش عارفه اجيب لنفسي عبايه وكل الي عندي الي داخله بيهم ..قلبي اتهري منه ضحكت اسين مردفه : = ههههههه فاكره زمان لما اتكلمنا وقولتيلي انك طلبتي منو شكولاته وقالك اجبلك مصنع شكولاته ومجبش حاجه لترد الاخره : = اه فاكره لتهتف اسين بتردد كنت عارفه انو بخيل لتشهق الاخري باندهاش : = ايييييه = اه وربنا بس انتي ادبستي واتكتب كتابك يعني مكنش فيها مهرب سحر بزعل : = اخص عليكي يا اسين لتقول اسين بحفاوه : = متزعليش يابت .. خير ان شاءالله بكره جوزك يتكل علي الله وتورثي القرشين الي محوشهم وتجيبي ڤيلا محترمه في مكان محترم وتبقي مليونيره سحر بتعجب = مليونيره مره واحده لبتسم اسين قائله : = اه والله دول البخلاء الي زي جوزك بيبقو اغنيه اوي ... اكملت تغمز الاخري بشقاوه : = شكلك كده مستغنيه عنو .. دا انتي معلقتيش غير علي مليونيره وسبتي يموت سحر بحنق : = مايموت ولا يروخ ف داهيه .. دا مش بخيل بس في الفلوس دا بخيل في المشاعر والكلام .. بياخد حقه تالت ومتلت ومبيديش الباقي حقوقهم .. حاجه تق*ف اسين بتفكير : = بصي يا ستي معندكيش غير حل حلو اوي = ايش ابتسمت قائله بتفكير = انتي تعرفي كلمة سر الفيزا بتاعتو .. وبعدين حطيلو منوم في الشاي وخدي موبايلو والفيزا وروحي اسحبي قرشين حلوين من البنك ... وامسحي الرساله الي بتوصل من البنك عند السحب وكده مش هيعرف ... سحر متسائله : ولو سألني جبتي الفلوس منين يا فالحه هقولو اي = عادي قوليلو ابويا مديهملي .... = فكره بردو اكملت اسين : = وبعدين كل شهر اسحبي منها وشبرقي عيالك واعملي مابدالك سحر بتسائل : = واشبرقو معايا ؟ = لا هو مش مهم .. ولا اقولك هاتيلو مهما كان جوزك بردو سحر باقتناع : = ماشي نجيبلو ومالو عادت تكمل قائله = وبعدين يوم مايعرف ان الفلوس الي بتتصرف عليه وعليكي وعلي العيال هي التحويشه .. وقتها قلبه هيقف من الخضه سحر متسائله : = اتصل وقتها بالاسعاف ؟ = لا استني شويه لما يقف خالص سحر باقتناع : = ماشي نستني اكملت اسين : = وبعدين هتتصلي بالاسعاف وحلني عقبال مايجو ياخدوه ويروحو يكون هوب .. مات هتفت سحر بسعاده : = الله واكبر .. كمل يا كبير اكملت اسين وهي تضحك : = بعد مايموت هتعملي العزا وهتعيطي زي اي ست وتقولي يا سبعي مكنش يومك ... سحر باقتناع : = سهله دي اكملت اسين قائله : = وبعدين هتستني شهر يحر متسائله : = اشمعنا = عشان محدش يشك فيكي سحر باقتناع : = اشطا اكملت اسين : = وبعدين هتعملي اعلان وراثه وانتي معاكي ولدين يعني الورث ليكم .. خدي الورث وروحي اشتري ڤيلا وسيبي الحاره المعفنه دي هتفت سحر بسعاده : = الله مجرد التخيل بارتاح .. كملي اكملت اسين : = هتعيشي مع عيالك ف ڤيلا ومكان شيك ولبس اخر موديل بس اوعي تجيبي الفستان ابو ٣٥٠٠٠ الف جنيه ولا الشبشب ابو ٥٠٠٠ الف جنيه بتاع الم**م المشهور ... ها انا بحذرك سحر بتفكير : = هجيب من العتبه وخلاص هتفت اسين بفرحه : = كده انا اطمنت عليكي ... وربنا يقدرني علي فعل الخير سحر بامتنان : = ربنا يخليكي ليا ياحبيبتي هتفت اسين وهي تحتضنها بزعل مصطنع : = البقاء الله مقدما لترد الاخري بزعل مصطنع : = ونعم بالله ثم ضحك الاثنان فقالت سحر بجديه = إلا قوليلي يا اسين ردت اسين مقلده اياها : = قوليلي يا اسين = يابت بطلي هزار = حاضر بطلت كملي سحر بحنق : = وانا طالعه عندك .. حماتك كانت بتبصلي اوي وكأنها هتاكلني بعنيها .. ضحكت اسين قائله = يمكن فكراكي لسه انسه .. تنفعي ابنها سحر لاستفسار = المطلق = لا جوزي شهقت سحر بدهشه : = نعم اسين بتأكيد = اه والله هتفت سحر بضيق : = عايزه تجبلك ضره .. وليه ارشانه بصحيح اسين بلامبالاة : = عادي ما اخواتو البنات بيجبولو عرايس كل مايجو لدرجة انهم خلصو علي بنات مصر كلهم ثم اكملت : = بس الامانه لله جوزي عينه مليانه ومرديش يتجوز اي واحده منهم وبيرفضهم من غير مايشوفهم سحر بارتياح : = اصيل جوزك والله .. لتهتف الاخري بسخريه : = معهوش فلوس يتجوز تاني لتفت بق*ف : = واطي اووي جوزك دا **ت الاثنان فاردفت سحر = حساكي نسيتي ادهم وشلتيه من دماغك .. احلي حاجه عملتيها وعند ذكر اسمه تلاشت ابتسامتها وحل محلها الحزن قائله = عمري مانسيتو

Free reading for new users

Scan code to download app

App Store Google Play

Facebookexpand_more