الفصل السادس عشر
1634 Words
(وعلي ذكر الماضي عادت الزكريات)
فاردفت سحر
= حساكي نسيتي ادهم وشلتيه من دماغك .. احلي حاجه عملتيها
وعند ذكر اسمه تلاشت ابتسامتها وحل محلها الحزن قائله
= عمري مانسيتو
سحر باستغراب :
= بس انا شايفاكي بتهزري وتضحكي بقالي سنتين ملاحظاكي متغيره عن الاول
= مش معني اني بضحك وبهزر اكون فعلا مبسوطه .. كل الحكايه اني بحاول اعيش الواقع
سحر بزعل :
= كنت فاكراكي نسيتي نهائي .. واحد باعك وضل طريقه وراح .. هتعيشي لي دور المحروجه
اسين بحزن :
= ولا دور ولا نيله ... انا ات**ر بخاطري وقلبي .. مضعفتش وقومت تاني خت حقي منو .. اتجوزت غصب عني من واحد مش عايزاه ولا عمري تقبلتو .. عايشه في بيت عيله وحماتي بتهين فيا في الراحه والجايه واخوات جوزي بيحدفو عليا بالكلام وكأن العيب مني واني مش بخلف .. ميعرفوش ان ابنهم هو الي معيوب ...
اكملت قائله
= مسكتش وخت طريق الدموع والحزن زي اي واحده مكاني بالع** بقيت اقوي وبحاخد حقي ... لو كنت ضعيفه كان زمانهم داسو عليا ... بدريه محبتنيش ولا عمرها هتحبني ولو لقتني ضعيفه هتزود عليا ...
سحر:
= لي معرفتيش اهلك انه مابيخلفش وتبقا حجه انك تطلقي
سردت اسين ماحدث قائله:
= يوم ماعرف ان العيب منو .. جه ض*بني وانا طبعا جريت علي اخواتي .. امي شاف*ني مضروبه وسكتت لا و كمان خلتني ارجعله تاني ... قالتلي عيشي انتي مبقاش ليكي بيت بعد ابوكي .. اخواتك مش هيستقبلوكي دول مستقبلني ف بيتهم بالعافيه
سحر بدهشه:
= واخواتك مفيش رد فعل منهم
اسين ساخره:
= ولا الهوا ... اخويا عمرو قالي ارجعي بيتك تاني .. ماهو كل الرجاله بتض*ب مراتتها اي الجديد
سحر بضيق:
= واطي عمرو دا .. طيب ماروحتيش ل سعد
= روحتلو طبعا عرفتو اني اض*بت بس معرفتش اي حد سبب الض*ب ... قالي ارجعي بيتك مينفعش تطلقي .. لو اتطلقتي هتروحي فين .. انا يادوب بكفي بيتي بالعافيه
سحر:
= ندل وحيوان ... طيب اخواتك البنات اي نظامهم
اسين بضيق :
= إذا كان اخواتي الرجاله مش عايزني .. البنات هيعوزوني .. دول كرابين من يومهم
= وبعدين عملتي اي
= رجعت البيت
= بالسهوله دي
= معنديش مكان غير بيتو .. وفعلا رجعت واتأقلمت علي العيشه معاه ومع العيله مبقتش اضايق من كلامهم .. كنت الاول بضايق وانا فاكره اني معيوبه .. دلوقت كلامهم ميفرقش معايا .. حماتي كانت الاول مطلعه عيني وتعباني وكنت بسكت .. دلوقت مبسكتلهاش
ابتسمت سحر قائله:
= يعني اسين المتهوره رجعت تاني
= ايواا الحمدلله
سحر مستفسره
= رحله جديده ولا مغامره
ضحكت اسين قائله :
= بحس حياتي معاهم مغامره وتجربه جديده .. بقالي اربع سنين بشوف العجب
سحر ميتفسره
= والبت ياسمين اخبارها اي ... بقالي سنين مشوفتهاش
اسين بتأفف
= ييييي ... متجبيش سيرتها دي واحده اعوذ بالله
شهقت سحر بدهشه قائله:
= مالها دي كمان
= حاطه منخيرها في السما .. وحماتي بتمشي في الشارع تقول مرات ابني دكتوره ... حتي زيارة عايده واشجان بتتفق معاهم يجو في يومي عشان تقعد حاطه رجل علي رجل ومتشلش اشايه .. وانا الي بتمرمط في اليوم دا لوحدي
= طلعي روح البنت المتهوره الي جواكي وهتعرفي تاخدي حقك
= مانا طلعتها امبارح وهقضي الاسبوع دا في شقتي ويبقو يوروني هيعملو اي
= عاااش يا اسين
اسين بتفكير
= عايزه اشتغل واحوشلي قرشين اخدهم واخلع من الجوازه دي وانا ضامنه اني هعيش مرتاحه بعيد عنهم
سحر وكأنها تذكرت شئ قائله
= اممم .. لو علي الشغل متقلقيش . هتصرفلك
= منين
= في واحده جارتي بتشتغل في شركه... سكرتيره يعني .. بس هي حامل في التامن وقربت علي الولاده وعايزه حد يقعد مكانها في الشركه عقبال ماتقوم بالسلامه وترجع تاني ...
= شغل مؤقت مش عايزه
= يابت دوريها كويس ف دماغك .. اشتغلي سكرتيره وبعدين لما التانيه ترجع وتستلم شغلها تاني تكوني عملتي صداقات هناك وزملاه يقفو جمبك لو حبيتي تتعيني هناك
اسين باقتناع
= تمام اشتغل بدالها
=وانا مروحه هعدي عليها اسألها لتكون ادت الوظيفه لحد تاني
ردت بدهشه
= بتعشميني وبعدين تقوليلي استني
= اصبري بس ان الله مع الصابرين
= تمام
= يلا انا همشي .. الوقت اتأخر ... رقمك زي ماهو ولا غيرتيه
= لا غيرتو
ثم دونت الرقم علي هاتف سحر وغادرت سحر
في المساء
عاد محمود من المحل الذي يعمل فيه فهو يمتلك محل عطاره ... دخل شقة امه لكي يراها ثم يصعد لشقته ... دخل فوجدها جالسه علي الكنبه وكأنها تنتظره
= مالك يا امه
بدريه بزعل مصطنع
= مراتك اهانتني الصبح عشان بقولها تنزل تخلص مواعين امبارح
رد بتأفف :
= بقولك يا امه .. ابعدي عن اسين البت تعبانه ومش حمل الي بتعمليه
بدريه بخضه :
= هي لحقت سلطتك عليا يا ابن بطني
محمود بغضب :
= يوووه .. بصي بقا عشان زهقت من خناق كل يوم .. من انهارده مراتي مش هتنزل تخدمكو .. دا قراري النهائي..مراتي مش خدامه عند حد ...
ثم تركها وصعد لشقته لتهتف بدريه بغضب
= وديني لمربياكي يابنت الكلب عشان تبقي تعصي ابني عليا
دخل لشقته وجد اسين نائمه علي الكنبه .. اقترب منها يحاول افاقتها .. فاقت قائله بتعب
= انت جيت ... تحب احضرلك عشا
= لا اكلت في المحل ... لسه تعبانه ؟
= يعني ... خفيت شويه ...
= ماشي ... اعملي حسابك مش هتخدمي تحت .. هتفضلي في شقتنا وملكيش دعوه بيهم
=ماشي الي تشوفو
وفي داخلها سعيده (زمان حماتي بتطلع نار دلوقت بس تستاهلي يا بدريه)
بعد مرور اسبوع
في ذلك الاسبوع لم تنزل اسين لشقة حماتها واكتفت بالجلوس بمفردها .. غيرت قانون الشقه ومن بعدها لم تستطيع حماتها الدخول مره اخري ... يوميا تستمع من شباك المطبخ ياسمين وهي تدعي عليها بسبب كثرة الاعمال المنزليه مما يجعل اسين تضحك شامته فيها ...
اليوم هو يوم مجئ بنات بدريه واولادهم ... لم تنزل وجلست في شقتها ايضا
في شقة حماتها
= يالهووي يا امه كل ده يحصل ومتقوليش ... قومي يا اشجان خلينا نطلع نربيها
= يلااا ياختي
صعدو لشقة اسين وظلو يخبطون علي الباب واشجان تنادي عليها وصوتها غاضب .. خافت اسين يبدو انهم سيجعلونها تترحم علي حالها اليوم ... امسكت الهاتف مسرعه وطلبت رقم محمود وعندما اتاها الرد قالت بصريخ حاد
= الحقني يا محمود اخواتك البنات بيخبطو علي الباب وبيزعقو وشكلهم ناوين يعملولي حاجه
= مسافة السكه وهكون عندك ... وربنا لوريهم قيمتهم
في الخارج
اشجان بعصبيه :
افتحي يازباله .. بقا تهيني امي وفكرانا هنسكتلك تبقي بتحلمي .. افتحي الباب
= وربنا لنعلمك الأدب يابنت الكلب ياوسخه
خرجت ياسمين من شقتها قائله باستغراب
= في اي يا اشجان بتزعقو لي
ردت اشجان بضيق
= الزفته الي جوه دي هانت امنا ولازم نعلمها الأدب
ياسمين بشماته
= طبعا لازم تعلموها الادب .. ازاي تهين حماتي ..
وعادو يخبطون علي الباب بغضب
جاء محمود يجري .. صعد علي السلم وسمع اخواته يشتمون علي زوجته ويخبطون علي الباب .. لمحته ياسمين يصعد فاشارت ل اشجان وعايده ان يقفو عما يفعلونه ليتوقفو .. اقترب منهم محمود يدعي عدم المعرفه قائلا
=خير متجمعين علي باب شقتي .. مش عادتكم يعني
ردت اشجان بمكر
= افتحلنا الباب عايزين نسلم علي مراتك قبل مانمشي
ليومئ لها ويفتح الباب .. وجد اسين جالسه علي الكنبه .. وفجأه هجمو عليها الاثنان يض*بونها بشده تحت نظرات محمود المترقبه .. ظلو يض*بونها وهي تصرخ .. اقترب منهم محمود متصنع انه يحاول ايبعادهم .. صرخ عليهم
= ابعدو عنها .. ابعدو
ابعدهم عنها بصعوبه .. وجد اسين قد اغمي عليها ليصرخ عليهم
= لو حصلها حاجه مش هرحمكم
توتر الاثنان واخذو ينظرون لبعضهم بخوف ... حملها محمود ونزل بها وادخلها السياره وانطلق ل اقرب مستشفي
نزل الاثنان لشقة امهم ... اردفت بدريه بشماته
= ختو حق امكم وعرفتوها قيمتها
اشجان بخوف وهي تحمل ابنها
= البت اغمي عليها ياما .. انا خايفه ليحصلها حاجه ونروح ف داهيه
بدريه بسخريه
= دي بتمثل علينا .. شويه كده وهتلاقيها رجعت(إلهي ماتوعي ترجعي تاني)
ذهب محمود ب اسين للمستشفي وضلو للمساء .. لم يكن بها شئ غير بعض الجروح والكدمات في جسمها ... عادو اخر الليل .. وصلت السياره للبيت ونزل منها محمود ثم التف للجهه الاخري يحمل اسين لتقول له بتعب
= انا كويسه وهقدر اطلع السلم
= وربنا ابدا مش هيحصل
استغربت من اهتمامه المفاجئ .. حملها وصعد اولا لشقة امه وجد اخواته البنات والشباب منتظرينهم ليعرفو ماذا حدث ... انزل اسين علي اقرب كرسي ونظر للجميع بغضب قائلا
= انتو لسه هنا .. اطلعو بره
هتف زياد باستغراب
= حصل اي لكل دا
رد عليه محمود بغضب
= عايز تعرف حصل اي ... اسألهم
ثم اشار علي اخواته
= اسألهم عملو ف مراتي اي ... امي سلطتهم عليها طلعو ض*بوها ... وسقطوها
شهق الجميع بصدمه ومن بينهم اسين ليكمل محمود بحزن
= الطفل الي مستنيه من سنين راح .. راح بسببهم .. حسبي الله ونعم الوكيل فيهم
بدريه بتوتر
= حامل .. ازاي .. ؟؟
اكمل محمود بحزن
= حامل في شهر وعرفنا من اسبوع وكنت مستني لما الحمل يثبت وبعدين افرحكم معايا .. بس للأسف ضيعتو ابني قبل ماشوفو ...
= من انهارده اسين ملهاش دعوه بيكم وهتفضل ف شقتها ولو حد قرب منها تاني هقطع خبرو
ثم حمل اسين من علي الكرسي تحت صدمتها (يابن الكدابه)
في شقة محمود واسين
اسين هاتفه بضيق
= ممكن اعرف كدبت عليهم لي
تن*د قائلا
= عشان بدءو يشكو ف موضوعنا ... خفت لحسن يعرفو اني مبخلفش وجتلي فكرة اني اطلعك حامل وتفضلي كام شهر ونقول نزل .. بس لما جيت الصبح ولقيتهم عايزين يض*بوكي قولت فرصه اطلعك حامل وسقطي بسببهم
هتفت بدهشه وغضب
= يالهوووي يعني فتحتلهم الباب وسبتهم يض*بوني عشان خطتك تظبط
= بضبط كده
= دماغك سم
= مصلحه ليكي كمان رحمتك من امي والي بتعملو
هتفت باقتناع
= عندك حق بردو
ثم اكملت بغضب
= بس دول كانو هيموتوني قدامك وانت واقف تتف*ج عليا عشان حتت خطه
= هعوضك عن الحصل ... اطلبي الي انتي عوزاه
= انا مش .....
وفجاءه تذكرت الوظيفه
= انا عايزه اشتغل بشهادتي
= مش هتلاقي شغل بسهوله ...
ردت بنفي
= لا في شغل جاهز ... واحده صحبتي حامل ف اخر شهورها وبتشتغل ف شركه وعايزه حد ثقه يمسك الشغل بدالها عقبال ماتولد وترجع تاني
محمود باقتناع
= امممم ... موافق اشتغلي .. علي الاقل متحتكيش ب امي
= تمام
(البطل وحشكم صح ... تابعو الفصل الجاي وحضرو الناديل)
- Writer
