الفصل التاسع عشر

1574 Words

حياة خالية فارغة سوداء ووحدة قاتلة.. ولغة ال**ت تسود المكان والألم جاثم على أنقاض الفؤاد.. بل تلبس حتى الجسد.. أحس بالغربة ومرارة العيش.. الوحدة تقتلني.. والوجع يسكنني.. وذكريات الماضي تشغلني.. وأشعر أنّ همومي ستخنقني وأحزاني ستغرقني. = انت هنا وانا قالب عليك الدنيا تحت .. مش م**وف من نفسك وانت شحت كبير وبتعمل عمايل العيال الصغيره ادهم بخنقه = اتخنقت وحبيت اقعد لوحدي = مخنوف من اي .. يلا احكي ابتسم ادهم قائلا = بقالك اربع سنين بتقولي احكي .. انت مش بتمل مني خالص؟! = مفيش حد بيمل من صاحبه .. دا انت مش صاحبي وبس انت اخويا يا ادهم .. كفايه وقفتك معايا لولاك كان زماني منتحر = هههه لولاك انت كان زماني انا الي منتحر ضحك الاخر قائلا = يعني خالصين يا اخي عند اسين ظلت اسبوعين في شقتها حتي لايشك بها احد ... لم تزعجها حماتها يبدو انها تشعر بالذنب فيما اقترفته في حق ابنها .. ولكن إذة كانت بدريه تشعر بالذنب لما لم تأتي وتطمئن عليا او تسأل عن احوالي .. يبدو ان ظني خاطئ فلا احد يتغير من يوم وليله .. وايضا زوجها لم يعد يشارك اهله في الوجبات وكأنه متضايق منهم .. اخواته خائفين ولم يأتو ثانيا للمنزل .. وبالطبع ياسمين اصبحت تقوم بالاعمال المنزليه بمفردها اليوم سوف تخرج وتشتري ملابس جديده تصلح للعمل فبعد ان هاتفت صديقتها سحر وعرفت منها ان جارتها موافقه ان يتبادلو سويا علي ان تترك الوظيفه في خلاص ثلاثة شهور لا اكثر حينها ستعود الاخري لمكانها.. وبالطبع وافقت اسين مستعده بان تجرب وظيفه جديده .. اول وظيفه لها كانت خدمة الغرف التي تركتها بسبب ادهم ومن ثم عملت امام حمام السباحه لتقديم الطلبات وتركت العمل ايضا او بمعني طردت منه وبسبب ادهم ... الأن ستعمل **كرتيره في شركه كبيره ولايوجد احد سيجعلها تترك العمل او تتطرد ... جهزت نفسها استعدادا للخروج بعد ان هاتفت محمود تخبره بذهابها ... خرجت من شقتها ونزلت علي السلم لتجد امامها ياسمين تخرج من شقة حماتها ناظره لها بسخط قائله = علي فين العزم = دا بدل ماتقولي حمدلله علي السلامه ياسمين باستفزاز = اوبس .. نسيت اقولك حمدلله علي سلامتك من العلقه اسين بق*ف قائله بتهكم = مش هرد عليكي ثم تركتها واكملت نزولها لنهاية السلم وخرجت من البنايه بأكملها دلفت ياسمين شقة حماتها مره اخري لتجد حماتها جالسه علي الكنبه لتقول بضيق = ماهي زي الا** اهي .. مابتنزلش تعمل يومها لي بدريه متسائله = هي مين دي لتردف الاخري بحنق = اسين هو في غيرها ... لسه شايفاها حالا نزله وبتقول راحه تتمشي شويه بدريه بتافف = إلهي ماتوعا ترجع تاني ... ابني مقاطعني بسببها .. هتفت بخبث = واللي يرجعلك ابنك في حضنك تاني تعمليلو اي بدريه بلهفه = اشيلو فوق راسي ياسمين ببرائه مزيفه = وانا مش عايزه غير رضاكي عني وبس = تعيشي يا اميره يابنت الأمره .. قوليلي هترجعي ازاي ياسمين بمكر وقد اتت لها الطريقه لتفشي غليلها من سلفتها قائله = نجوزو واحده تانيه هتفت بدريه بسخريه = قال وانا فاكراكي هتقولي حاجه جديده ردت بمراوغه : = اسمعيني وامشي ورايا ... احنا نخليه يشوف العروسه من غير مايعرف اننا جيبنلو عروسه وبعدين قوليلو عليها وسبيه يختار .. وانا واثقه انه هيوافق عليها بدريه بدهشه من ثقتها قائله = طالما واثقه يبقا العروسه تبعك = ايواا تبعي .. دي صحبتي الروح بالروح .. اكملت ياسمين قائله = هي عندها ٢٨ سنه زيي بس انكتب كتابها وقبل الفرح سابت العريس .. بدريه بشك = من نفسها ياسمين نافيه = لا اختلفو علي الوان الشقه واتخنقو سوا قامت حالفه انها تتطلق واطلقت والعرسان الي بقت بتجيلها كلهم مجوزين ومخلفين .. لحد دلوقت قاعده ف بيت ابوها .. بس الشهاده لله البت زي القمر واحلي من اسين بميت مره وعنيها ملونه وشعرها بني .. واكملت بقرف = مش زي اسين شعرها اسود وعيونها بني مديه علي اسود ... مفيش فيها غير بياض لولا انها بيضه مكنتش هتتجوز وهتفضل عانس = وصحبتك هتقبل تتجوز واحد علي مراته = ايواا طبعا هتقبل .. حكم السن بقا وكلام الناس كتر بدريه وقد التمعت عينيها بمكر قائله = خلاص ياحبيبتي روحي واتفقي معاها بس هيشوفها ازاي = هنجيبها هنا كأنها بتزورني وهيشوفها وبعدين سيبي الباقي وكلو هيجي ورا بعضو .. نقول امين بدريه بفرحه وشماته : = امين يا حبيبتي ابتسمت ياسمين بانتصار .. طالما حقدت علي اسين طوال فترة الدراسه ولم تحبه يوما .. كانت اسين فتاه متفوقه دراسيا معظم البنات حاقدين علي تفوقها .. بعد ان ظهرت نتيجة الثانويه وحصلت اسين علي المرتبه الاولي .. هذا جعل ياسمين تبكي بسبب انها لم تلتحق مثل الاخري بكلية الطب مما جعل والدها يقدم لها في كلية صيدله خاصه .. وعندما عرفت ان اسين لم تدخل كلية قمه سعدت كثيرا بان الجميع سيناديها بلقب دكتوره اما اسين لا شئ ... وبعد ان تزوجت اسين من شخص ليس بمتعلم .. سعت للزواج من سلفها المحامي لكي تكون اعلي منها في اختيار شريك الحياه .. وسعت ايضا للحصول علي مكانه في قلب حماتها واخوات زوجها وتقلبهم علي الاخري .. اخوات زوجها يأتون يوم الجمعه او السبت .. فتتفق قبلها معهم ان يأتو في يوم تكون فيه اسين تقوم بالاعمال المنزليه كي تجلس معهم هي وتجعل الاخري تخدم عليهم ... والأن سوف تجعل لها ضره وتشمت فيها اكثر والاهم ان ضرتها ستكون واحده من زملاء الدراسه الذين يكرهونها ويتمنون اذيتها ... عند اسين ذهبت لمحلات كثيره واشترت كل مايلزمها .. من ملابس كاجوال ورسميه .. تحمست كثيرا لبدء العمل الجديد .. واخيرا انتهت وعادت إلي المنزل وصعدت علي السلالم لتجد حماتها خارجه من الشقه ربما كانت في انتظارها .. نظرت حماتها لها وتفحصت الاكياس التي بحوزتها جيدا قائله بحنق = ضيعتي فلوس ابني علي الهدوم ..الواد ياعبني يتعب ويشقي وفي ثواني تاخديهم تصرفيهم .. ارحمي نفسك شويه = ارحم نفسي .. انتي تعرفي اي عن الرحمه .. بصي انا مش هتكلم معاكي خالص ومش هقول غير حسبي الله ونعم الوكيل .. لتلمح طارق يصعد علي السلم يبدو انه استمع لكلامها لتقول مسرعه بحزن مزيف = كفايه ضيعتي فرحتي وفرحت جوزي بحملي ... لا ومسألتيش عليا وكأنه الي مات مش حفيدك .. اه مانا هاخد اي منك مانتي كنتي سبب في وفاة ابن طارق ثم تركتها وصعدت لشقتها تاركه حماتها واقفه مزدهله .. لتجد طارق يصعد اخر سلمتين ينظر لها بحزن ومن ثم تركها وصعد لشقته ايضا لتقول بدريه بغل وحقد (وربنا لخليكي تقولي حقي برقبتي) في الصباح استيقظت اسين مبكرا وانتهت من روتينها اليومي وارتدت ملابسها الرسميه المكونه من قميص من اللون الابيض عليه ستره نسائيه بلون الوردي وبنطلون من اللون الوردي مع عقد علي رقبتها وجزمه كعب بلون الوردي .. حجاب بلون الاسود وبه ورود ورديه .. فمنذ ان تزوجت وهي ترتدي الحجاب .. وضعت روچ وكحل في عينيها واكتفت بذلك فهي لاتحب كريمات الاساس ولا غيرها .. تحب بشرتها كما هي وهذا هو مايجب ان يفعله جميع النساء مبتعدين عن ادوات التجميل التي تهلك البشره وتعمل علي سرعة تجعهدها ... نظرت لنفسها في المرأة بثقه لأول مره تري نفسها بملابس كهذه .. فبعد زواجها اصبحت ترتدي عباءات وجيب وطرحه صغيره تضعها علي شعرها .. والأن قد عادت انيقه كما كانت من قبل .... تناولت حقيبه ورديه ووضعتها في كتفها .. اقتربت من الفراش تيقظ زوجها قائله = محمود يلاا قوم هتتاخر علي فتح المحل فتح عينيه بصعوبه ومن ثم فتحهم علي وسعهم عندما وجد هيئتها الانيقه .. انتفض من علي الفراش قائلا بزهول = انتي مين يا شاطره هتفت بحنق = وحيات امك بدريه تافف قائلا = باااس خلاص عرفتك ... ثم هتفت بحماس وهي تدور حول نفسها قائله = اي رائيك في النيولوك دا = اي النيولكلك دا يعني اي خاب امالها قائله بضيق = جاهل .. خلااص مش لازم اسألك .. هات فلوس اركب بيها = ماشي هد*كي ١٠٠ جنيه بس اعملي حسابك من اول ماتقبضي متقوليش هات تعريفه فاهمه = لا هات ٣٠٠ جنيه شهق قاىلا = تولتميت اي ياختي ... لما اد*كي كل يوم ٣٠٠ جنيه هستفاد اي = كفايه عليك يا معفن هتشوفني كل يوم هانم رد بتهكم = هانم بفلوسي ... وضع يديه في جيبه واخرج فئه المئة جنيه قائلا بحنق = خدي ١٠٠ جنيه اهي هي الي حلتي .. يلا طرقينا سكت السلامه ... مش عايز المحك تاني غير بليل اسين بضيق وهي تاخذ منه المال قائله = هات اهوو احسن من مفيش تركته وخرجت من الشقه ونزلت علي السلالم بدلع وكأن اليوم هو يوم عيد بالنسبالها ... وجدت ياسمين تنزل هي الاخري تذهب للصيدليه الخاصه بها تنظر لها بزهول واستغراب من هيئتها الجديده تحت نظرات اسين المترقبه وفجاه قالت بسخريه = الله الله ايه الحلاوه دي ... راحه فين يا حلوه؟! التمعت عينيها ببريق النصر قائله بغرور = اصل اشتغلت ف شركه كبيره وانهارده اول يوم ليا ياسمين بسخط = هتشتغلي .. وانتي ناسيه يا حلوه انهارده عماتك جايين اسين بمكر قائله = انتي الي ناسيه حصل اي اخر مره هما هنا ... واظن فاكره كويس جوزي قالهم اي وقالكم ايه ... يلا باي ياحلوه تركتها واكملت نزولها للأسفل تاركه وراءها ياسمين تلطم علي خدها بسبب كثرة الاعمال وذاد عليهم مجئ عماتها الاثنان .. وصلت اخيرا للشركه المدونه في العنوان .. دخلت لمدخل للشركه وجدت حنان تنتظرها ... ابتسمت فور رؤيتها لها فقد عرفتها فورا نظرا لبطنها المنتفخه .. اقتربت اسين منها قائله بلطف = انا اسين = اهلا يا حبيبتي .. نورتي الشركه ... تعالي اما اوريكي مكتبك واعرفك الامور ماشيه ازاي وان شاءالله تتعلمي بسرعه في اليومين دول .. انا معاكي انهارده وبكره وبعد كده تستلمي الشغل اخذتها ودلفو للمصعد الذي صعد بهم للطابق الثاني .. ظلت تشرح حنان لها كل شئ في الدور واتجهت بها إلي مكتب صغير امام غرفه كبيره قائله = دا ياستي المكتب .. ثم اشارت لها علي الغرفه = دي اوضة مدير الشركه .. بس خلي بالك مراته بتغير عليه اوي .. متقفيش كتير معاه ولا ترغي .. لحسن تكلك وضحكت علي اخر جمله قالتها لتبتسم اسين واخذت حنان تعرفها ماذا تفعل بالتفصيل

Free reading for new users

Scan code to download app

App Store Google Play

Facebookexpand_more