“Hugo. Hoy, pre!” Pumitik pa sa harapan ng mukha ni Hugo ang kaibigan niya at artista rin na si Miguel. Magkasama sila ngayon sa bago nilang TV drama. Si Hugo ang bida habang si Miguel naman ang gumaganap na kontrabida sa palabas. Pero sa totoong buhay ay matalik silang magkaibigan, lalo pa at sabay sila nang magsimulang mag-artista.
May ka-loveteam din itong si Miguel noon, si Donna. Tulad nina Hugo at Natalia, nagkagustuhan din sina Miguel at Donna sa totoong buhay at ngayon nga ay mag-asawa na rin at may isang anak na lalaki na kaedad ni Aaliyah. Ngunit hindi tulad ng asawa ni Hugo na si Natalia na tumigil agad sa pag-aartista, si Donna ay aktibo pa rin sa paggawa ng mga pelikula at drama at pati ang anak ng mga ito na si David ay nagsisimula na ring pumasok sa pagmomodelo, dahil matan
