Isang mahinang katok ang narinig ko mula sa pinto.
Mabuti na lang at narinig ko dahil tinatablan na rin ako ng antok kahit pa ano ang gawin ko para labanan ito.
Inisip ko na baka bumalik ang kapatid kong si Abby at may nakalimutan na sabihin o kaya naman ay may ibibigay sa akin.
Sinabi ko kasi sa kanya na umuwi na sila ng anak niyang si Lyndsay at baka mahawa pa ng kung anong mga sakit dito sa ospital ang bata.
Kaya ko na rin naman na bantayan sina Erin at Makoy ng sabay dahil magkasunod lang naman sila ng kwarto at may mag nurse naman na pwede akong magpatulong kung kailangan.
Samantalang si Alexis ay umuwi na muna sa bahay ng tatay ng kanyang anak na si Light.
Matapos ang hindi inaasahan na naganap ay takot na rin ako na pwedeng maulit ang pangyayari na muling may magtangka na ku
