"Sure ka na ba talaga na kaya mo na anak? Baka naman pinipilit mo lang ang sarili mo?" tanong ko kay Erin.
Matapos lamang ang limang araw na pananatili namin sa ospital ay gusto niya na raw umuwi sa bahay.
Inip na inip na raw siya at pakiramdam niya ay lalo siyang nanghihina sa loob ng ospital.
Okay na rin naman ang lahat ng mga laboratories test na ginawa sa kanya. At ang mga sugat na kanyang tinamo ay maghihilom na rin sa mga susunod pang mga araw.
Samantalang si Makoy ay kailangan pa na manatili ng ilang araw o linggo na naka-admit dito dahil nga sa mga bali ng buto na tinamo ng kanyang katawan. Gusto na nga rin niyang lumabas dahil wala raw siyang ipambabayad sa hospital bill.
Pagdating sa bayarin ay hindi na rin ako nagulat ng malaman sa billing section na bayad na ang lahat ng
