"Mom, hindi pa po ba lalabas ng ospital si Makoy? Hindi pa rin po ba siya magaling?" usisa sa akin ni Erin.
Kararating ko lang sa bahay at dinalaw si Makoy. Araw-araw ko naman siyang pinupuntahan talaga sa ospital para kamustahin dahil natanim na rin sa isip at puso ko na obligasyon ko na rin siya gaya ng kung ano ang tingin ko kay Erin at sa mga pamangkin ko.
"Sabi ko naman sayo at mas malala ang naging tama ni Makoy sa katawan. Nakakapaglakad na siya pero payo ko na mas mabuting doon muna siya hanggang sa tuluyan siyang gumaling. Iyon din naman ang sabi sa akin ng Uncle Dark mo." Paliwanag ko pa sa anak kong naisipan na naman yatang buskahin ang mabait na si Makoy.
"Uncle Dark? Mom, sila na ba ni Auntie Alexis? May relasyon na po ba sila?" dagdag na niyang mga katanungan.
"Tatay siya
