Pinaghalong kulay ng asul, lila, itim at berde ang makikitang kulay sa aking dalawang namamaga na mga pisngi na naging resulta ng malakas na sampal ni Eduard sa akin kagabi.
Inilugay ko ang mahaba kong buhok at hinayaan lamang na maging takip sa magkabila kong pisngi upang hindi na masyadong mapansin. Mamaya ay dampian ko na lang ng malamig na yelo upang maampat na ang pamamaga.
Hindi rin ako makalakad ng diretso sa pananakit ng balakang dulot pa rin ni Eduard. Paika-ika ako kung maglakad. Pinipilit ko naman na maglakad ng maayos ngunit sadyang masyadong masakit kapag ako ay tumatapak.
Pero, kailangan ko pa rin ang bumangon para magluto ng pagkain para sa almusal ng aking mag-ama. Kailangan kong siguraduhin na busog sila bago pumasok at magtungo sa kani-kanilang pupuntahan.
Mahirap ma
