"Saan ka nagpunta, anak? Bakit ngayon ka lang?"
Ang agad kong naging tanong sa anak kong si Erin na halos kararating lamang mula sa kung saan siya nanggaling.
Pag-gising ko ngayong umaga ay wala siya sa tabi ko. Kaya naman medyo natataranta ako ng hindi ko siya makita at mahanap sa paligid. Inaasahan ko pa naman na ang kanyang magandang mukha ang una kong masisilayan sa pagdilat ng aking mga mata.
Mabuti na lang at narito si Makoy kung saan sa kanya raw hinabilin muna ni Erin na bantayan ako at may pupuntahan daw muna ang anak ko pero walang sinabi kung saan.
Ngumiti si Erin at saka inilapag ang kanyang mga dala-dalang mga eco bag na marahil ay mga pagkain ang laman.
"May pinuntahan lang po ako, Mommy." Sagot naman ng anak ko at saka naupo na sa monoblock na nakatabi ng aking hospita
