Gustong-gusto ko ng hatakin ang mga kamay ng orasan sa suot kong relong sa kaliwa kong braso.
Inip na inip na ako sa bagal ng takbo ng oras at gusto ko ng umuwi sa bahay para na rin makita na si Mommy at makapag-pahinga.
Kasalukuyan akong naririto sa sa loob ng isang sikat na convenience store. Hindi bilang customer kung hindi bilang isang cashier.
Hindi ako ginagabi sa paggawa ng mga activities sa school. Kagaya ng sinasabi kong dahilan araw-araw kay Mommy kaya late akong umuwi sa dapat ay takdang oras na nasa bahay na ako.
Alam ko kasing hindi siya papayag sa pagiging working student ko at malamang na ipagpipilitan na naman na bumalik na ako sa poder ni Daddy.
Kaya nagdesisyon akong lihim na lamang ang tunay na dahilan kung bakit dis oras na ako nakaka-uwi sa gabi upang huwag ng m
