مال عليها قليلا ثم قال بخفوت
:- بس إنتِ مش من حي النشالين أصلا يا أروى ..
نظرت له أروى بإستفهام و سألت
:- مش فاهمة ؟
تحمحم آسر ثم أكمل و هو يشير إليها كي تجلس على الأريكة
:- ممكن تقعدي و أنا هفهمك كل حاجة ؟
بدأت أروى تفقد أعصابها فهتفت به قائلة
:- تفهمني أيه ؟ و إيه اللي إنت تعرفه عني أنا معرفهوش ؟ إنت متعرفنيش أصلا
تن*د آسر و قال
:- أنا فعلا معرفكيش ، أو ما كنتش أعرفك ، بس أعرف ناس تعرفك كويس أوي يا أروى و تتمنى بس تعرف إنك موجودة
أكملت اروى هتافها
:- بردو مش فاهماك ، يا بني إفهم أنا مليش حد و لا أعرف حد و لا حد يعرفني ، طلعت كدة مليش غير أبويا و مراته الله يحرقها و خلاص ..
حاول آسر إقناعها فتلك الحالة التي هي عليها الآن من إنكار للواقع تجعله يشعر بالشفقة عليها فأمسك يدها و قال
:- إنتي اللي مش عايزة تفهمي ، يا أروى إنتي ليكي أهل أم و أخ يتمنوا يشوفوكي لو لحظة
نفض
