عشقتكى يا عهد الجزء الثانى

الفصل السادس الجزء التانى

فى الصباح استيقظ يوسف ليرتدى ملابسه استعدادا للإطمئنان على عهد ليجد ايمان تقف أمامه وتبتسم له .

يوسف بإبتسامه : صباح الخير يا حبيبتى .

ايمان بحنان: صباح النور عامله ايه انهاردة .

يوسف بهدوء : الحمد لله كويس انا هروح لعهد اطمن عليها .

ايمان : ينفع اجى معاك .

يوسف بإبتسامه : لا يا حبيبتى علشان متتعبيش كفايه عليكى احمد .

ايمان : احمد هخليه يروح عند محمد وروان يلعب مع اسامه وهجى معاك .

ليقترب منها يوسف ويقبل جبهتها : ربنا يخليكى ليا يا ايمان .

ايمان بإبتسامه: ويخليك ليا .

ليخرج يوسف وايمان وأحمد من الفيلا ليركبوا سيارتهم وينطلقوا الى فيلا روان ومحمد ليأخذوا احمد ثم ينطلقوا إلى منزل عهد ليصلوا لينزلوا من سيارتهم ويصعدوا إلى منزلها ليدق يوسف على الباب لكن ليس هناك رد ليفتح يوسف الباب ببصمته ليدخل يوسف بخوف على عهد ليدخل غرفتها ليجدها نائمه ليقترب منها ويجلس بجوارها ليحاول ايقاظها لكن عهد لا تستجيب ليضع يدة على رأسها ليجد حرارتها مرتفعه .

يوسف بقلق : عهد فوقى يا عهد .

ايمان بحنان: لو سمحت يا يوسف أهدى عهد كويسه انا هكتبلك شويه ادويه تروح تجبها من الصيدليه وانا هعملها كمادات لحد ما تجى بسرعه يا يوسف قبل ما تتعب اكتر .

يوسف بقلق : حاضر مش هتأخر .

ليذهب يوسف إلى الصيدليه ليحضر الادويه بينما أحضرت ايمان الكمادات وجلست بجوار عهد لتحاول أن تخفض حرارتها ليأتى يوسف ومعه الادويه لتأخذها ايمان وتأخذ حقنه منها لتعطيها لعهد .

يوسف بخوف : هتبقى كويسه يا ايمان .

ايمان بحنان : أن شاء الله يا يوسف متقلقش انا اديتها حقنه علشان تنزل حرارتها إن شاء الله ساعه وهتبقى كويسه .

ليجلس يوسف بجانبه بحزن ويمسك يدها وتنزل دمعه من عينيه لتتوجه ايمان إليه وتأخذه فى حضنها وتربط على كتفيه .

ايمان بحنان: عهد قويه يا يوسف وهتبقى كويسه متخافش .

يوسف بحزن: عهد اتعذبت اوى يا ايمان كنت نفسى اسلمها لشخص يحبها ويعوضها عن التعب إلى شافته بس طلعت غلطان ويوم ما سلمتها لشخص حبته وحبها وشوفتها مبسوطه واطمنت عليها فجأه لقيتها ادمرت وقلبها موجوع ومجروح وهى معملتش حاجه غلط غير أنها أدت واجبها اتجاه شغلها وضحت بحبها علشان يعيش ويفضل قدمها هى غلطت فى حاجه يا ايمان قوليلى .

ايمان ببكاء : ادعلها يا يوسف عهد محتاجه لكدا .

لتمر ساعتين لتبدأ عهد بالإستيقاظ لتفتح عينيها بتعب ليجرى عليها يوسف ويمسك يدها .

يوسف بقلق : انتى كويسه يا عهد .

عهد بإبتسامه ضعيفه : ايوة يا يوسف متقلقش .

لتحاول عهد أن تنهض لكنها لم تقدر من شده تعبها ليساعدها يوسف للجلوس لتحضر لها ايمان شوربه ساخنه .

ايمان بإبتسامه: بقيتى بتدلعى اوى يا عهد .

عهد بإبتسامه: اعمل ايه بقا ما انا نفسى تعمليلى الشوربه الجميله دى فلازم ادلع .

لتطعمها ايمان وعهد تبتسم لها لتنتهى عهد .

عهد بإبتسامه: كفايه كدا انا بعد كدا هتعب علشان تجى تعملهالى .

يوسف بحزن : بعد الشر يا قلبى .

عهد بإبتسامه: متقلقش عليا يا يوسف انا الكينج بردك .

يوسف بإبتسامه: عارف .

ايمان : فين منه مشوفتهاش فى البيت .

عهد بهدوء: منه سافرت نيويورك علشان تودع أصحابها .

يوسف بهدوء : ارتاحى انهاردة فى البيت ومش عاوز حركه .

عهد بهدوء: وخطوبه ليث .

يوسف بغضب : لأه يا عهد مش هتروحى انا مش عاوز اشوفك بتتعذبى بسببه .

عهد بإبتسامه: انا هتعذب لو مروحتش .

يوسف بحزن : انا خايف عليكى يا عهد .

عهد بإبتسامه: مدام انت معايا متخفش .

ايمان بحنان: خلاص يا يوسف متضغطش عليها .

يوسف بغضب : انا خايف عليها مش شايفه هى عاوزة تعذب فى نفسها وخلاص .

عهد بحزن : انهاردة بس يا يوسف .

يوسف بإستغراب : يعنى ايه .

عهد بهدوء: يعنى هحضر خطوبه ليث وهسافر ومش هرجع مصر.

يوسف بحنان: وانا هكون معاكى فى اى مكان .

عهد بإبتسامه حزينه : ربنا يخليك ليا .

يوسف : ويخليكى يا عهد .

*****

جاء الليل لترتدى عهد فستان بنفسجى يصل إلى منتصف ساقيها وصففت شعرها وترجعه إلى الوراء وترتدى حذاء فضى اللون ليدخل يوسف لينظر لها ويبتسم .

يوسف : طالعه جميله اوى .

عهد بإبتسامه: مش خطوبه حبيبى وكفايه انو خطب واحده تستاهل حبه .

ليقترب منها يوسف ويأخذها فى حضنه : مفيش واحدة تستاهل حبه غيرك انتى مفيش منك يا عهد .

عهد بإبتسامه حزينه : يلا يا يوسف علشان منتأخرش .

لينظر لها يوسف بحزن لينزل يوسف وهو ممسك بيد عهد وينظر لها لأنه خائف من خسارتها فعهد لم تتحسن بعد من تعبها اليوم فستضغط على روحها وجسدها ليركب يوسف سيارته وبجواره عهد لينطلقوا إلى حفل خطوبه ليث ليصلوا بعد مدة قصيرةلتنزل عهد من السياره وتنظر إلى المكان لتشعر كأن روحها ستسلب منها لتجد يوسف يمسك يدها ويبتسم بحنان لتبتسم له ليدخلوا إلى الحفل ليقف يوسف وعهد عند أحد الطاولات ليجدوا كرم متوجه إليهم .

كرم بحزن : اذيك يا عهد .

عهد : تمام .

كرم : اهلا يا يوسف بيه .

يوسف بهدوء : اهلا بيك .

كرم بهدوء: لسه ليث مجاش تحبوا تشربوا حاجه .

يوسف بهدوء : لا شكرا .

كرم بتنهيدة: عن اذنكم هروح اشوف الضيوف .

يوسف : اتفضل .

لينظر يوسف لعهد : اخر فرصه يا عهد يلا نمشى .

عهد بإبتسامه: لا يوسف .

بعد قليل لاحظ يوسف نظر الضيوف إلى الخلف ليستدير يوسف وعهد ليجدوا ليث وجميله يدخلون ويقف بجانبهم زهرة ومعتز والحاج حسن ووسيم لتنظر لهم عهد ولا يستطيع أن تستوعب لتنظر إلى يديه التى فى يدها لتشعر كأن قلبها سيخرج من مكانه بينما ينظر ليث حوله يود أن يراها ليجدها تقف وبجانبها يوسف لينظر لها ويتأملها كم أنها جميله فى هذا الفستان ليقطع شرودة زهرة .

زهرة بإبتسامه : يلا ندخل يا ولدى .

ليومئ ليث برأسه ويدخل ومعه جميله التى سعادتها لا توصف ليجلسوا فى مكانهم لينظر ليث لعهد التى تخفض رأسها لينظر لها يوسف بحزن .

يوسف بحنان: انتى كويسه .

عهد بهدوء: اه كويسه متقلقش .

لتبدأ مراسم تلبيس الخواتم لتحضر زهرة الخواتم وتعطيها لليث ليأخذ ليث أحد الخواتم ويضعها فى يد جميله لتبتسم له جميله لتأخذ الخاتم الآخر وتضعه فى يدة ليبتسم لها ليث تحت تصفيق الجميع بينما تنظر لهم عهد وقلبها شبه تحطم ودموعها تريد النزول وتأخذ مجراها لكن عهد ترفض لا تريدة أن يراها ويعرف أنها مازالت تحبه لتشعر أن العالم يدور بها وأنها سوف تقع لتتحمل وترجع إلى وعيها بينما نظرت جميله الى ليث بسعادة ليبتسم لها ليث .

ليث بإبتسامه : الف مبروك يا جميله .

جميله بفرحه : الله يبارك فيك .

ليقترب منها ليث ليقبل جبهتها لتبتسم له جميله بسعادة بينما عهد فى حاله من الوجع والألم فأمامها يقف حبيبها وزوجها مع واحدة أخرى هل هذا حقيقى ام انا احلم ؟ اود لو كنت أحلم أن افيق من هذا الكابوس المؤلم فأنا لم اعد اتحمل اكثر من هذا !

يوسف بحنان: ارجوكى يا عهد يلا نمشى .

عهد بهدوء: خلينا شويه يا يوسف .

يوسف بحزن: لا يا عهد لازم نمشى انتى لسه تعبانه ارجوكى يلا .

عهد بهدوء: ماشى يا يوسف يلا نمشى .

ليمسك يوسف يدها ويخرجوا من مكان الحفل ليجدوا صوت اوقفهم ليستديروا .

ليتجه إليها معتز ويأخذها فى حضنه .

معتز بحزن : معلش يا بنتى عارف انو موقف صعب عليكى .

عهد بإبتسامه: لا خلاص انا بقيت كويسه .

معتز : انتوا ماشيين .

يوسف : ايوة علشان عهد تعبانه ولازم تستريح .

ليجدوا ليث وجميله يأتون بإتجاههم .

جميله بإبتسامه ساخره : اذيك يا عهد مبسوطه اوى انك جيتى .

عهد بهدوء: الف مبروك يا جميله الف مبروك يا ليث .

ليث بإبتسامه حزينه : الله يبارك فيكى .

جميله بإبتسامه : نسيت اقولك أن المحامى بدأ فى إجراءات الطلاق بتاعتك انتى وليث .

وقعت هذة الجمله على عهد كخنجر فى قلبها بينما نظر لها ليث بذهول .

جميله بخبث : هكلمك كمان اسبوع علشان تيجى عندنا الصعيد ويتم إجراءات الطلاق .

لينظر يوسف إلى عهد فكان يود أن يقتل هذه الفتاه ويأخذ عهد بعيدا .

الحاج معتز بحزن : تعالى قضى معانا الاسبوع دا فى الصعيد يا عهد مش انت يا ليث هتيجى الصعيد بعد يومين هات عهد معاك .

جميله بلهفه : ينفع يا عمى اخلينى مع ليث ونيجى سوا ونجيب عهد معانا إذا كان ليث معندوش مانع .

لينظر لها ليث ويبتسم ثم ينظر إلى عهد التى كانت فى عالم آخر .

الحاج معتز : ايه رأيك يا عهد .

عهد بإبتسامه ضعيفه : موافقه .

يوسف بهدوء : خليها تلات ايام علشان عهد مشغوله .

الحاج معتز : تمام يا ولدى .

يوسف : عن اذنكم هنمشى احنا .

ليمسك يوسف يد عهد قبل أن يتكلم أحد ويقربها منه ويحاوطها بيدة ثم يدخلها السياره ويغادر .

جميله بسخريه : هو دا حبيبها الجديد .

ليث بغضب : ايه الكلام الفارغ إلى بتقوليه دا .

جميله بمكر : هو انا قولت حاجه غلط مش شايف حضنها اذاى .

ليث بغضب: بلاش تدخلى بعد كدا فى حياه غيرك دا يبقى اخوها .

جميله مدعيه الحزن : اسفه يا ليث .

ليث بهدوء : خلاص يلا ندخل علشان الضيوف .

لتمسك جميله يد ليث بسعادة ويدخلوا الحفل لينظر لهم الحاج معتز بحزن على هذه المسكينه التى تحطم قلبها بينما وصل يوسف إلى منزل عهد بعد مدة لتنزل عهد من السياره ليقترب منها يوسف .

عهد بهدوء: روح انت يا يوسف .

يوسف بحزن: انا مش هسيبك يا عهد .

عهد بإبتسامه: انا كويسه .

يوسف بحنان: وانا قولت مش هسيبك يلا نطلع .

لتومئ عهد برأسها ليمسك يدها يوسف ويصعدوا إلى المنزل ليفتح يوسف الباب ويدخلها غرفتها .

يوسف بحنان: يلا يا حبيبتى روحى خدى دوش علشان يريح جسمك وانا هروح اوضتى واول ما تخلصى هعملك شوربه ذى ما ايمان بتعملها واحسن كمان .

عهد بإبتسامه: حاضر يا يوسف .

ليغادر يوسف لتجلس عهد على سريرها وعندما وجدت أن يوسف دخل غرفته انفجرت فى البكاء بشدة لتجلس على الأرض بألم .

عهد ببكاء : ليث خلاص سابنى! مش هقدر استحمل فراقه انا بمقاوم نفسى بس مش قادرة استحمل اكتر من كدا وكمان هنطلق انا كنت حزينه على فراقنا بس كنت لسه عندى امل فى الرجوع علشان لسه مراته ومكتوبه على اسمه بس خلاص كل شئ هينتهى ليه بيحصل معايا كدا ليه .

لتجلس عهد على الأرض وتضع يدها حول ركبتيها ودفنت وجهها بينهما وظلت تبقى على ألم قلبها ليأتى يوسف ويدق على الباب لكن ليس هناك رد ليقلق عليها ويفتح الباب ليقف بذهول وهو يجدها بهذا الشكل ليقترب منها ويجلس على ركبته ويضع يده على شعرها .

يوسف بحزن: حبيبتى انتى كويسه .

لترفع عهد وجهها والدموع تسيل على وجهها .

عهد بحزن : مقدرتش استحمل يا يوسف مقدرتش .

يوسف بحنان: عارف يا حبيبتى بس مش فى ايدينا حاجه انتى رافضه نقول لليث الحقيقه .

عهد بهدوء: مش لازم يعرف لو عرف هيرجعلى وحمزة هينفذ كلامه ويقتله حمزة مش بيهزر وما مقدرش اشوف ليث بيموت قدامى .

ليجلس يوسف بجوارها ليأخذها فى حضنه لتتشبث عهد به كالطفله صغيره تحتمى بوالدها ليحاوطها يوسف بيده يحاول أن يأخذ وجعها والمها له لتهدء عهد وتسكن فى أحضانه لينظر لها ليجدها نائمه كالملاك الحزين ليحملها ويضعها على سريرها ليمسح دموعها بيده ليقبل جبهتها بحنان ليغادر ليجد عهد تمسك بيدة .

عهد بهدوء: متسبنيش يا يوسف خليك جنبى انا خايفه .

ليجلس يوسف بجانبها ويأخذها فى حضنه .

يوسف : انا جنبك يا حبيبتى متقلقيش .

ليرجع يوسف رأسه للوراء هل هذة الزهرة خاصتى التى كنت اتمتع بإبتسامتها وفرحتها امامى فكنت انظر لها كإبنتى الصغيره التى كنت اخاف عليها من اقل تعب يصيبها واعتنى بها فكم أود أن أعيد لها ابتسامتها من جديد اود ان اذهب واقتل ليث بيدى على كل دمعه نزلت من عينيها ليغمض يوسف عينيه بينما عهد فى أحلامها كانت ترتدى فستان ابيض قصير وشعرها خلف ظهرها ووجدت نفسها فى منزل جميل وامامها حديقه كبيره لتنظر من النافذة لتجد ليث أمامها يبتسم لها من وراء النافذة لتفتح هذه النافذة ليدخل ليث ويمسك وجهها بين يديه ويبتسم لها .

عهد بإبتسامه حزينه : هتتخلا عنى يا ليث .

ليث بإبتسامه: لأه عمرى ما هتخلى عنك .

عهد بإبتسامه: متأكد .

ليث بإبتسامه: لن أتركك .

لتبتسم عهد بسعادة ليردف ليث : بس مضطر امشى دلوقتى .

عهد بحزن : متسبنيش .

ليث وهو يبتعد عنها : لازم يا عهد استنينى .

ليذهب ليث إلى الحديقه وعهد وراءه .

ليث : سلام يا عشق الليث .

عهد بصراخ : ليث ليث متسبنيش .

لتستيقظ عهد من النوم بصراخ ليستيقظ يوسف بخوف ويأخذها فى حضنه ويحرك يده على شعرها بحنان ويقبل رأسها .

عهد ببكاء : ليث سابنى يا يوسف .

يوسف بحزن: أهدى يا حبيبتى .

عهد بدموع: انا قلبى بيوجعنى اوى مش قادرة يا يوسف مش قادرة .

يوسف بحنان وهو يرجع عهد الى الوراء : نامى يا حبيبتى والصبح كل حاجه هتبقى كويسه .

لتغمض عهد عينيها والدموع تسيل على وجنتيها ليأخذها يوسف فى حضنه ويتلوا بعض آيات القرآن إلا أن نامت بسلام لينظر لها بحزن شديد ولا يعرف كيف يداوى جرحها ليتن*د وينام .

******

فى الصباح استيقظت عهد لتجد يوسف نائم لتبتسم لتقوم من مكانها ليستيقظ يوسف بقلق .

يوسف بخوف : انتى كويسه .

عهد بإبتسامه: الحمد لله معلش تعبتك امبارح معايا شكرا .

يوسف بحنان: فى بنت تقول لأبوها شكرا .

عهد بإبتسامه: ربنا يخليك ليا .

يوسف : ويخليكى يا قلب چو .

عهد بهدوء: هو انت قولت ليه لبابا معتز أن احنا مشغولين ويخليها تلات ايام .

يوسف : علشان بكرا هنروح المقر .

عهد بإستغراب : بس انا مجليش استدعاء .

يوسف : انتى جالك دعوة فى حفله تكريم ليكى بكرا فى المقر علشان المهمات إلى عملتيها فى نيويورك وكمان مهمه حمزة الهراوى .

عهد : بس حمزة هرب .

يوسف : بس كفايه انك قبضتى على اكبر صفقه سلاح للمافيا .

يوسف : وبعد ما نخرج من المقر عازمك انتى والفريق فى مزرعتى الجديدة .

عهد بإبتسامه: اشترتها .

يوسف : ايوة وهنقضى مع بعض اليوم كله انا مجهز كل شخص غرفته .

عهد بتذكر : بس مين هيجيب منه من المطار لو كلنا هنبقى فى المقر .

يوسف : نخلى اى حد يروح هخلى ريهام أو مليكه .

عهد بهدوء: لا مينفعش .

يوسف : ثوانى نتصل بسيف نخليه يجبها من المطار اصل انا عازمه هو كمان كفايه انو سعدنا فى حاجات كتير .

عهد بإبتسامه: ماشى بس هيوافق .

يوسف : ثوانى هتصل بيه .

ليتصل يوسف بسيف الذى كان يرتدى ملابسه ليذهب إلى عمله ليجد هاتفه يرن برقم يوسف ليفتح الخط .

يوسف : صباح الخير يا سيف .

سيف : صباح النور يا يوسف بيه .

يوسف بإبتسامه : قولى يوسف بس خلاص بقينا صحاب .

سيف بسعادة : ماشى .

يوسف : كنت عاوز اعزمك فى مزرعتى الجديدة والفريق كله هيجى انت بقيت من الفريق خلاص .

سيف : دا شرف ليا يا فندم .

يوسف : كنت عاوز اطلب منك خدمه .

سيف : تحت امرك .

يوسف : كنت عاوزك تروح المطار بكرا تجيب منه معاك وهبعتلك عنوان المزرعه .

سيف بفرحه : تمام هجبها من المطار .

يوسف : شكرا سلام هستناك .

سيف : سلام .

ليغلق سيف وبداخله يشعر بسعادة لأنه سيرى طفلته نعم انها طفلتى الصغيرة التى حركت مشاعرى .بينما انتهى يوسف من المكالمه لينظر إلى عهد .

يوسف : عهد .

عهد بهدوء: نعم .

يوسف : بلاش تروحى الصعيد.

عهد بهدوء: خلاص يا يوسف الكلام دا معدش ليه لزوم إجراءات الطلاق هتخلص وهرجع مصر تانى وارتاح .

يوسف بحنان: هتتعذبى فى الاسبوع دا يا عهد .

عهد بإبتسامه: انا قدرت استحمل عذاب الفراق تلات سنين وليث مش معايا مش هقدر استحمل اسبوع وهو جنبى .

يوسف بحزن: بس مع واحدة تانيه .

عهد : كفايه أن ليث هيكون قدامى مبسوط يلا نتمرن شويه وحشنى تمريناتك .

يوسف بإبتسامه حزينه : يلا .

******

بينما فى فيلا ليث استيقظت جميله لتنزل من غرفتها وتتأمل المكان لتقف عند غرفه وتتذكر كلام ليث أمس عنها .

Flash back

دخل ليث وجميله الفيلا .

ليث بهدوء : اوضتك فوق جنب اوضتى ومفيش هنا خدامه يعنى لو عاوزة حاجه قوليلى .

جميله بإبتسامه: ماشى هو مفيش اوضه تحت لازم اطلع فوق ما الأوضه دى حلوة ينفع انام فيها .

لتشير إلى غرفه أمامها لينظر ليث إلى تلك الغرفه .

ليث بهدوء مخيف : لأه وبلاش تدخليها فاهمه .

جميله : ليه .

ليث بغضب : من غير ليه انا قولت لأه يعنى لأه يلا على اوضتك .

لتصعد جميله بغيظ الى غرفتها وتقسم على أن تعرف ما بهذة الغرفه .

ماذا يوجد فى الغرفه ؟

هل سيستمر عذاب عهد وفراقها عن ليث ام للقدر رأى اخر .

يا رب يكون الفصل عجبكم وطويل اهوة علشان محدش يزعل وان شاء الله هنشر فديوهات على الموقع الى فى الصفحه بتاعتى اشتركوا فى القناه علشان يوصلكوا كل فديو جديد اعمله الرابط اهوة على الصفحه الشخصيه وقولولى رأيكم وتوقعاتكم البارت إلى جاى