Molly
Nakakuha ata ako ng inspirasyon sa gallery kaya sobrang taba ng utak ko ngayon. Nakagawa na ako ng sketch design. Pag-iisipan ko naman ngayon ang floor plan.
"Ay bongga!" ani Jaz na sumilip sa aking sketchpad. "Mukhang gumagana na ang braincells mo," tuwang-tuwa na saad niya. "P'wedeng makita mga gawa mo?" pagkakwa'y tanong niya.
Ibinigay ko naman sa kaniya ang sketchpad ko.
"Oy! Grabe ka! Ang gaganda naman pala ng gawa mo."
Parang pumapalakpak ang tenga ko dahil sa sinasabi niya. Sino ba naman kasi ang hindi matutuwa sa mga papuri hindi ba?
"Oh sino 'to..."
"At my office."
Mabilis kong kinuha mula kay Jaz ang sketchpad ko nang lampasan kami ni Terrence. Aligaga naman ako na ibinalik ito sa aking bag bago ako sumunod kay Terrence na mukhang bad mood. Ano kayang nangyari? Ay
