CHAPTER 19
THIRD PERSON’S POINT OF VIEW
“HELLO, Miss Ariani, magandang gabi po!” Bati ng sekretarya ni Ariani sa kaniya nang makalapit ito mula sa entrance ng restaurant.
Nawala sa hawak na phone ang atensyon ni Ariani saka nag-angat ng tingin sa mga empleyadong naglapitan sa kaniya para bumati, pilit na ngumiti siya sa mga ito at bumati rin pabalik.
“Uy! Hello! Magandang gabi sa inyo!” Binalingan niya ang sekretarya niya at pabirong tinapik ito sa braso. “Mabuti naman nakapunta ka, akala ko hindi ka pwede?”
“Ay, Miss Ma’am, naisip ko kasi lahat pala makakapunta tapos ako lang ang wala, sayang! Kaya hinayaan ko na lang ang mga anak ko sa bahay, nandoon naman ang tatay nila.” Natatawa nitong sagot.
“Tama ‘yan, minsan lang ‘to eh!”
Nagkakuwentuhan at nagkabiruan pa sila Ariani at ang
